Matthieu 26:39 - La Sainte Bible en Langue Yipunu

³⁹ Mbana amakakana nogu nana vava na vana na amagudama va tsi na amasambila rie: Tata ami pa diwelimina ombu gagu kakisini kopa ejiji jimaguga! Tsiri duganu duami aduvagu tumba aduagu duvagu.

Matthieu 26:39 Iomraidhean Croise

Dibandu 17:3

Abram amagudama va tsi na Nsambi amabuesa rie:

2 Samuel 15:26

Tumba pa ovosa rie: Ngelabi ubueji nagu! Meʼ janduʼgu, apayili adi elabi diwelimina.

1 Misamu 21:16

David anobuaga misu amalaba yiansa yiFumu va yiliyili ayimaba na dijenga diandi va dikaka uyenabokanga bisi Jerusalem. Kabogu David na bivunda bamaduara basiela na bamagudama va tsi.

Esaie 50:5

Fumu amandonsa ugulu na nyisamabusa na nyisamagabuga mansinsima.

Esaie 53:12

La dibandu nyimuveyili dikabu diandi va mosi na abaneni; ogabana abimakindu na bango mangolu. Anokevega o dufu amarangu mu durangu dubatu babi, amanangula masumu mabatu bapuela na amasambila yiri botandu.

Ezekiel 1:28

Nana muyama uilabinini mu mamungi yilumbu ayi mfula jinoyili anana yijalala yieni ayimamutsiengila yimalulila. Yimaba yibagunu yibundumba buFumu. Nyinoyilaba nyimagudama va tsi na nyimagulu diufi dimutu agumavosanga.

Dutalu 14:5

Moise na Aaron bamakebuaga va gusu dibuli diotsu dibaIsrael abamaba bagukama.

Dutalu 16:22

Moise na Aaron bamagudama va tsi na bamavosa rie: Aa, Nsambi! Aa Nsambi jibatu botsu! Mutu mosi buandi amavaga masumu, mu dionyi dunyoyila batu botsu?

Matthieu 20:22

Jesus amabagabusila rie: Jenu dugejabi adi duiwivuli. Durungula unu kopa aji vengu nyunu, diwendi rie: maguga ama nyuwarila? Jogu bamawaka rie: Turungula.

Matthieu 24:24

Mu mbari voba bachrist bamfurulu na babiyitsi bamfurulu; jogu bovaga bilimba bineni na bimaga udunsa aba Nsambi amasola.

Matthieu 26:42

Amamuekakana nogu adimubeji na amasambila rie: Tata pa guirondi yiri nyunu kopa ejiji, duganu duagu duvagu!

Marc 13:22

Mu mbari voba bachrist bamfurulu na babiyitsi bamfurulu; bovaga bilimba na bimaga uweliga udunsa aba Nsambi amasola.

Luke 17:16

Amagudama va tsi va gusu Jesus na amamugabusila diboti. Amaba muisi Samarie.

Jean 11:41

La dibandu bamagusulila dimanyi. Jesus anogengila o julu amavosa rie: Tata nyigugabusili diboti mu mbari duikulu.

Jean 14:31

tumba bisi bulongu bajabi yiri nyirondi Tata la dibandu nyivayi motsu ama Tata etumi. Relamanu tʼwendianu.

Jean 18:11

Jesus amatsingula Pierre rie: Gabusa dijenga diagu mu yisupu. Ngonu kopa jimaguga aji Tata amapega?

Jean 5:19

Kabogu Jesus amavosa nogu rie: Dingensa nyidutsinguli rie: Muana agorungula usala yisalu jaʼ beni; esali yika ayi Taji esali. Biotsu abi Taji esali Muana ebisali munongu mosi.

Jean 5:30

Ngorungula usala yisalu meʼ beni; yika nana nyigululu anana nyitabulili burisonsi na bunsonsi buami buvu busungama mu mbari ngerondi duganu duami tumba duganu dujandi omansindiga.

Jean 6:38

Mu mbari nyisamasunduga uyivaga duganu duami tumba duganu dujandi omansindiga.

Bisalu 10:25

Mbe Pierre asakakota o ndagu Corneille amabenguna nandi na amagudama va gusu andi.

Philippiens 2:8

Anoburu dibaala jandi beni amakevongula na amadedila te na amasinga dufu, dufu adu kurusu.

Hebreux 5:7

Ava Jesus amabila vava tsi amasambila na amalenda na amagamuga na amalila ombu Nsambi agumaba na musuga umugusulila dufu. Mu mbari amaba asigama na amaba na buvolambombu, Nsambi amamugulu.

Dulasu 19:10

Nyimakutama va makulu mandi umuyitsa. Tumba jandi amakandisa rie: Dunda, guyavaga nana! Jetu na baana bataji tuji basalitsi va mosi mu mbari tumavayila mambu maJesus yitu. Yitsa Nsambi! Ngensa aji Jesus amasamunanga jimavega babiyitsi mbigulu.