Matthieu 26:3 - La Sainte Bible en Langue Yipunu

³ Mbana bivunda bivagulitsi bapagu na bivunda bisusu bamawenda fundu va dulombili duCaiphe agumaba yivunda yibavagulitsi bapagu.

Matthieu 26:3 Iomraidhean Croise

Nyimbu 56:6

Bavinitsi bami bendasingi maguga mu motsu ama nyivayingi; betasilingi yika mabi na mabi.

Jeremie 11:19

Nyimaba nderi yindombu ayivu sui ayibegu o uboku, nyisamalejaba matasa mogu makulini. Bamavosanga rie: Turakulianu muiri na milunda mi-uonyi! Tugugusulianu va gari amivu monyu yiri mutu agomuegurangimina!

Jeremie 17:27

Tumba pa dugegulu ava nyidurumini ukelisa yilumbu yiuvuma yingitsi nesi ubusa unangula mifuna muna yilumbu yieni nesi umikotisa o Jerusalem, kabogu nyubangisa muji va biabutsu bimusiengi usielasana mandagu mabisi Jerusalem na ugotsima via!

Matthieu 26:69

Pierre aki atsana va dulombili na mugetu agumaba musalitsi uyivunda yibavagulitsi bapagu amavosa nandi rie: Ndeʼ wagu gubetsi na Jesus jimuisi Galilee, mbe?

Matthieu 27:27

Bagora baPilate bamabega Jesus o ndagu (diwendi rie: o ndagu yivunda yibulongu), aguna dibuli diotsu bamabenguna va mosi.

Marc 14:54

Pierre amayenabadukanga vagegeyi. Muji umabangusu va dulombili duyivunda yibavagulitsi bapagu; Pierre amatsana na basalitsi botsu na bamagoranga muji.

Marc 14:66

Pierre aki va dulombili ava mugetu agumaba musalitsi uyivunda yibavagulitsi bapagu amavioyila.

Marc 15:16

Bagora bamabega Jesus o gari ndagu (diwendi rie: o ndagu yivunda yibulongu) aguna dibuli diotsu dimabenguna va mosi.

Luke 22:55

Muji umabangusu va dulombili na Pierre amatsana na botsu abamaba vana.

Luke 3:2

Anne na Caiphe bamaba bivunda bibavagulitsi bapagu. Va temu eni Mbembu Nsambi jimatsingulu ombu Jean muana uZacharie agumaba o kumu.

Jean 11:57

Kabogu bivunda bibavagulitsi bapagu na baPharisie bamavosa rie: Pa mutu ejabi agu Jesus avu, adivosi yiri tumugaanga.

Jean 18:24

Anne amamusindiga atungu ombu Caiphe yivunda yibavagulitsi bapagu.

Jean 18:28

Kedi jineni bamasila Caiphe na bamawenda na Jesus o mulebi. Joʼ beni basamaronda ukota mu mbari bakenamu muinsi na bakekonda uji feta Paque.