Matthieu 26:27 - La Sainte Bible en Langue Yipunu

²⁷ Mbana amabonga kopa na anomana ugabusila Nsambi diboti amabavega jionyi novosa rie: Nuanu jenu botsu.

Matthieu 26:27 Iomraidhean Croise

Nyimbu 116:13

Nyuvagulila Fumu pagu jiunu; nyumunengilanga.

Duimbu Adutviolili Nyimbu 5:1

Mbatsi ami, nyikoti o nungi ami; nyidokuli mira na bima bimbunga jiboti, nyiji yisila yiami yibuji, nyinu malamu mami na dile diami. Bambatsi bami jianu; nuanu na langanu durondu!

Duimbu Adutviolili Nyimbu 7:9

Nyivosi rie: nyumata mbari, nyugaanga biatsi! Mabenyi magu mavu nderi bisaga birayisan mbunga jiyivumu yiagu jivu nderi mbunga jipoma.

Esaie 25:6

Fumu Mabadi ogabila batu botsu abavu va julu mukongu mulambu unyama tsivonga nesi malamu magulu, diwendi rie: nyama tsiviolila ubueji. Nesi malamu maviolila ubueji.

Esaie 55:1

Jenu botsu aduigulu puila, ruganu o mamba; ne pa dugaa na mbongu! Ruganu uyisumba na jianu, yisumbanu malamu na dile, ne dugaa na mbongu, vagaa diambu.

Matthieu 15:36

na amabonga yisambuali yieni yimapa na nyama tsimamba, anomana ugabusila Nsambi diboti amamabukula na amamavega badukitsi na jogu bamagabila batu.

Matthieu 26:26

Uji beji na Jesus amabonga dipa; anomana ugabusila Nsambi diboti amadibukula na amagabila badukitsi bandi novosa rie: Bonganu na jianu adudu la dunyuru duami.

Matthieu 26:28

Amama la malungu mami amamawitulu mu diambu dibapuela; malungu mami amedugusu pangini Nsambi.

Luke 22:20

Banomana uji amavaga munongu mosi na kopa, amajibonga novosa rie: Kopa ejiji la yirangumunu yimalungu mami amamadekanga mu diambu dienu.]

1 Corinthiens 10:16

Tasatianu kopa; tunogabusa Nsambi diboti tuijinu na tuifubini na malungu maChrist. Mbeyianu? Munongu mosi na dipa: ava tuidibukulili ditufubini na dunyuru duChrist. Mbeyianu?

1 Corinthiens 11:28

Kabogu mutu mutu akekelulanesi akaji dipa nonu kopa.