Matthieu 24:7 - La Sainte Bible en Langue Yipunu

⁷ Bisi dilongu dimosi botoga na bisi dilongu disusu na bakaga botoga na bakaga basusu; voba dungosu dunsala na masisana mabutamba yiari na yiari.

Matthieu 24:7 Iomraidhean Croise

2 Misamu 15:6

Bisi bulongu bamabetsa bisi bulongu bususu na bisi musiengi bamabetsa bisi musiengi ususu; Nsambi amabasingisa ulaba maguga mamunongu na munongu.

Esaie 19:2

Fumu amavosa rie: Nyuduisa muisi Egypte bitogulu utoga na muisi Egypte nandi, muana nguji na muana nguji botoga nesi mbatsi na mbatsi nesi musiengi na musiengi nesi mufudu na mufudu.

Esaie 29:6

Mukilu uruyila ombu Fumu Mabadi, na bidumi na masisana mabutamba na nduku jineni na yimbongila na mungudi na mulutsu muji aguisielisini.

Ezekiel 14:21

Nyiina, Fumu Nsambi amavosa rie: Nyimatinda mikilu miami mina mineni o Jerusalem: divita na dungosu dunsala na bibulu bibukanyi na yivunga uyenabokisanga batu na bibulu.

Ezekiel 21:27

Dubansa dumabaala mandi dumagaanga Jerusalem. Va mbura aji borangiyila bitogulu bidivita ubokisa batu nogamuga mugamu udivita; borangiga bitogulu va biabutsu na bomatisa bikadi, boyeramba mirambu.

Zacharie 14:13

Muna yilumbu yieni Fumu obalasa goma jineni; umosi ogagana na ususu, mutu umosi otoga na mutu nandi.

Luke 21:11

voba masisana maneni mabutamba mu biari biotsu na bivunga na dungosu dunsala; voba bimaga bineni na bilimba bineni abiruyili o julu.

Bisalu 11:28

Umosi va gari ogu, diina diandi Agabus, amabiga na mangolu maYinyunyi yiNsambi rie: Mu bulongu buotsu muba dungosu dunsala. (Duonyi dumaba mu temu Claude amaba kaga.)

Bisalu 2:19

Nyulasa bimaga o julu na bilimba va butamba: voba malungu na muji na nsumbili.

Hebreux 12:27

Ava evosili rie: Nyumuesisana, adina dilasi yiri bisundu biotsu biusisana na biutsiemuga yiri abigosisana biusiala.

Dulasu 6:12

Mbana nyimalaba Muana Yindombu ava amakakulila ayimanamugu ayimusiamunu. Vamaba disisana dineni dibutamba, wisi umakaluga upinda nana mosu pasa. Tsungi jiotsu jimabenga nderi malungu.

Dulasu 6:5

Muana Yindombu anokakula ayimanamugu ayimuriem, nyimagulu yibulu ayimurieru, amavosa rie: Rugati! Nyimagengila na vamapala kabala jipinda. Jandi omajinangama amagaanga mudodu va dikaka diandi.

Dulasu 6:6

Mbana va gari bibulu bina nyimagulu diufi adimavosa rie: Gusala yilumbu yimfuimbila udila yietsii yimosi yiputu nesi bietsu birieru biuresi. Kebana, guyabivisa matsi na malamu.

Dulasu 6:8

Nyimagengila na vamapala kabala jikuduga. Diina dimutu omajinangama la Dufu na dimutu agumamuduka la Mbura Jiabafu. Butamba bumapasu biasi bina. Jogu bamadila musuga te na yiasi yimosi. Diwendi rie: bamaba na musuga uboka na dijenga nesi na dungosu dunsala nesi na maali nesi na bibulu bibukanyi.