Matthieu 24:19 - La Sainte Bible en Langue Yipunu

¹⁹ Ka muna maguga ma bagetu aboba na mimi na abonuisanga mahenyi bolaba mu bilumbu bieni!

Matthieu 24:19 Iomraidhean Croise

2 Samuel 4:4

Jonatan muana dibaala uSaul amaba ria muana dibaala agumaba yibomfi yimakulu agumaba na bilima biranu ava misamu mdidufu duSaul na duJonatan mimaruyila o Jizreel. Ndetsi andi amamunangula na bamayenarina; amarina mbangu na amabondusa muana agumasiala yibomfi; diina diandi Mefibaal.

2 Bakaga 15:16

Mbana Menahem amatumuna bisi Tappoua na amaboka batu bapuela ubandila muna nesi te no Tirsa; amadivaga mu mbari basamamusinga; amapasa mioji mibagetu abamaba na mimi.

Mitatu 4:10

Diuleba bagetu bamaronda baana bogu tindi ubaronda, nsala jimabarombisa ubalamba nobajanganga mu temu dubungu dumuana mugetu ubatu bami.

Matthieu 21:16

Kabogu jogu bamamuwivula rie: Gugegulu adi bevosi? Jesus amabagabusila rie: Nyigulu. Jenu mbe dusakaranga Bisonu abisonugu rie: Gumarombisa bangebi na baana uyenadodisanga.

Matthieu 24:18

Jandi oguba o musiru ayagabuga uyebonga yijungi yiandi.

Matthieu 24:20

Sambilanu yiri mambu meni magodurasuna va yitsubi nesi yilumbu yitsona.

Luke 21:23

Ka muna maguga ma bagetu aboba na mimi bolaba! Ka muna maguga ma abonuisanga mabenyi bolaba mu temu eni! Bulongu buebubu buba yika maguga na maguga na kabu Nsambi jiulasu ombu batu bebaba.