Matthieu 23:8 - La Sainte Bible en Langue Yipunu

⁸ Disawelimina yiri bodunengila milonsi mu mbari duji baana baTaji na duna Mulonsi umosi buandi.

Matthieu 23:8 Iomraidhean Croise

Matthieu 10:25

Kabogu muwijitsi asali uba nana mulonsi andi na musalitsi asali uba nana fumu andi. Pa Taji amanengulungu Beelzebul, bagonengila baana na miina amamaviolila ubiva?

Matthieu 17:5

Ava jandi amavosila nana dimungi dimasunda na dimabagumba na yijalala yineni. O gari dimungi umagulunu diufi adimavosa rie: Agugu la Muana ami udurondu agu nyimaronda na murima ami uotsu. Mugululuanu!

Matthieu 23:10

Disawelimina yiri bodunengila Sefu mu mbari duna Sefu jimosi, la Christ.

Matthieu 23:7

Berondi uyitsungu na batu botsu na berondi unengulungu rie: Mulonsi.

Matthieu 26:25

Judas omamufunda amawivula rie: Tsiri menu mbe Mulonsi? Jesus amamugabusila rie: Ndejua!

Matthieu 26:49

Yika Judas etoli ombu Jesus amavosa rie: Mulonsi! Na amamubumba.

Marc 10:51

Jesus amamuwivula rie: Yi guirondi yiri nyuguvayila? Yidunga amamugabusila rie: Mulonsi, nyirondi umuelaba nana va kala.

Marc 11:21

Pierre anorangimina adimavagu amavosa na Jesus rie: Mulonsi, gengilati mumanga agu gutsiloga, umafu.

Marc 14:45

Yika Judas etoli ombu Jesus amavosa rie: Mulonsi! Mbana amamubumba.

Marc 9:5

Pierre amavosa na Jesus rie: Mulonsi, diboti yiri tubianu vava. Turungianu mirorombi mirieru, umosi aguagu na umosi aguMoise na ususu aguEli.

Luke 22:32

Tumba Pierre, nyimasambila yiri yitu yiagu yigodeda. Ava gukalulila diela gukawarisa baana bataji bagu.

Jean 1:38

Jesus amageluga na anobalaba amabawivula rie: Yi duirombi? Bamamugabusila rie: Rabbi (divindugulu rie: mulonsi) agunyi guitsanini?

Jean 1:49

Nathanael amamugabusila rie: Mulonsi ndeju la Muana Nsambi, ndeju la kaga jiIsrael.

Jean 11:8

Badukitsi bamamuwagula rie: Mulonsi, baJuif bamaleronda uguboka ne nana guirondi umuegabusila o Judee?

Jean 20:16

Jesus amamunengila rie: Marie! Jandi amageluga na amamunengila mu Hebreu rie: Rabbouni! (Divindugulu rie: Mulonsi!)

Jean 3:2

amaba yivunda yimosi va gari ogu. Amawenda mukolu mosi ombu Jesus na amamutsingula rie: Mulonsi jetu tuijabi yiri ndeʼ gumaruyila ombu Nsambi mu mbari ne mutu mosi agorungula uvaga bimaga abi ndeʼ guivayi pa Nsambi agaa nandi.

Jean 3:26

Bamawenda ombu Jean na bamamutsingula rie: Mulonsi, jandi omaleba nagu o disimu diJourdain agu ndeʼ gumavosila bumbeji, laba ebatisi na botsu bewendi ombu gandi.

Jean 4:31

Mu temu eni badukitsi bamagomanga Jesus uji novosa rie: Mulonsi, ji mua biguji.

Jean 6:25

Bamarasuna Jesus o disimu dimosi diyiliba, bamamuwivula rie: Mulonsi temu yi gutsiruyila gunu?

Jean 9:2

Badukitsi bandi bamamuwivula rie: Mulonsi anyi amavaga masumu: dibaala diedidi vo taji andi na nguji andi? Dibandu yi amaburulu yidunga?

2 Corinthiens 1:24

Tsiri yisalu yietu uduruma mu mbari dumavayila yitu kala. La dibandu tuisalili va mosi nenu yiri dulaba tindi nsangu.

2 Corinthiens 4:5

Jetu tugelonsi misamu mietu tuisamuni misamu miJesus Christ aguvu Fumu na jetu tuji basalitsi benu mu diambu diChrist.

Ephesiens 3:15

Ombu gandi mikuta miotsu amivu o julu na amivu va butamba midilili miina mogu.

Philemon 1:16

Kokolu, guyamuemugengila nana muviga, avu uviolila muviga; namunyi aji muana taji agu mu diambu diChrist. Ka muna durondu du nyimurondi! Na nyitasi gulaba nsangu nandi mu mbari agaa yika muviga agu tumba amafubana murima na Christ.

Jacques 3:1

Baana bataji duyaronda uba milonsi mu mbari duijabi yiri jetu tusosisu uviolila basusu.

1 Pierre 5:3

Duyatsoyisa jogu abavu o tsi durumu duenu tumba balasianu adivu diwelimina na Nsambi.

Dulasu 1:9

Menu la Jean, muana taji enu na tunofubana mirima na Jesus Christ jetu nenu tuji va mosi nesi mu maguga nesi o tsi Durumu duandi nesi ava tuiwarili. Nyimaba o nyingi ajinengulungu Patmos mu mbari nyimasamuna Mambu maNsambi na ngensa aji Jesus Christ amandasa.

Dulasu 19:10

Nyimakutama va makulu mandi umuyitsa. Tumba jandi amakandisa rie: Dunda, guyavaga nana! Jetu na baana bataji tuji basalitsi va mosi mu mbari tumavayila mambu maJesus yitu. Yitsa Nsambi! Ngensa aji Jesus amasamunanga jimavega babiyitsi mbigulu.

Dulasu 22:9

Tumba yiansa yima kandisa rie: Guyavaga nana! Jetu na babiyitsi tuji basalitsi va mosi na jogu abekelisi mambu madibuku diedidi. Yitsa Nsambi!