Matthieu 23:26 - La Sainte Bible en Langue Yipunu

²⁶ Jenu bijaku duvu! Lesusanu o gari kopa mbana yijujulu yiulioma wandi.

Matthieu 23:26 Iomraidhean Croise

Esaie 55:7

Mutu agugekipi yitu nesi migaga adundibifubibi, mutu mubi adundi matasa mandi makulini; agabuyi ombu Fumu agumulasa yingeba, nesi ombu Nsambi etu agugetoyi utandanga.

Jeremie 13:27

Nyimalaba bumbembu buagu na banyungilitsi bagu na nsoruru tsiagu tsineni va julu tsimikongu nesi o kumu; nyiina, tindi nsoruru tsiagu. Ka muna maguga ma gulaba Jerusalem! Te na temu yi gubanganga na muinsi?

Jeremie 4:14

Jerusalem, pa guirondi uwaku kalala, gusula mabi motsu mu murima agu. Te na temu yi gukelisilanga tasulu tsiagu tsikulini o gari murima agu?

Ezekiel 18:31

Busanu tindi ubusa mabi motsu amamadurombisa uvaga masumu; banu na minima ugona nesi ditasa digona. Jenu baIsrael dibandu yi dufuila?

Matthieu 12:33

Pa duirondi milunda miboti vengu duleba na muiri mubusi mu mbari pa duna muiri yinguma dugodokula milunda. Muiri uotsu uijabunu na milunda.

Matthieu 14:8

Anorumu na nguji andi amavosa rie: Peyi muru Jean Baptiste mu yipela.

Marc 7:4

Nesi biotsu abi bamabeyilanga o dikasa bamalesusanga wandi. Bamaba na migaga misusu amimaruyila ombu bivunda biogu nana divu diwelimina ususa bakopa nesi matsuva nesi bisanga bikunga nesi matangi wandi.

Luke 11:39

Kabogu Fumu amamutsingula rie: Gulu nana jenu baPharisie duvu; duji nderi duisusi kopa na yipela yika o yijujulu tumba o gari tsienu dubasa na nsala udaga na mbivulu tsiotsu.

Luke 6:45

Mutu uboti evayi maboti mu mbari maboti mavu o murima andi na mutu ubi evayi mabi mu mbari mabi mavu o murima andi. Amamavosu meruyili o murima.

2 Corinthiens 7:1

Bambatsi badurondu, pangini tsietsitsi tsimavangunu netu! Kabogu tukeliomisanu, tsiri yika nyuru tsietu tumba na binyunyi wandi yiri tuba tindi balioma. Tutsanianu na goma jiNsambi.

Hebreux 10:22

Tubambinianu na Nsambi na murima umosi na yitu yidugu na tubianu na matasa masunda na nyuru atsimabuitsu na mamba malioma.

Jacques 4:8

Bambananu na Nsambi na obambana nenu. Bavayitsi bamasumu, liomisanu makaka menu! Bango mabeʼ mabeji, matsiemusianu!