Matthieu 22:40 - La Sainte Bible en Langue Yipunu

⁴⁰ Migaga miotsu miMoise na malongi mababiyitsi bibandi na maruma meni mabeji.

Matthieu 22:40 Iomraidhean Croise

Matthieu 7:12

Motsu ama duirondi yiri batu baduvayili, bavayilianu munongu mosi. Migaga miMoise na malongi mababiyitsi bimalonsa mambu meni.

Jean 1:17

Mugaga uNsambi umavegu na Moise tumba maboti maNsambi na ngensa bimavegu na Jesus Christ.

Romains 13:9

Mu mbari maruma memama: guyavaga bumbe-mbu, guyaboka, guyadaga, guyanyungila, ne masusu ama turungula umueranga mebandi na adidi rie: rondanga mutu nagu nana guike-rondila.

Galates 5:14

Mu mbari migaga miotsu mimadugusu na diruma dimosi la didi rie: Rondanga mutu nagu nana guikerondila.

1 Timothee 1:5

Dibandu didiruma diedidi divu rie: Durondu dufuningi adupalila o murima ulioma na usunda na ubasa na yitu.

Jacques 2:8

Pa duidugusu migaga miNsambi nana Bisonu bisonugulu rie: Ronda mutu nagu nana guikerondila, duivayi buranga.