Matthieu 22:17 - La Sainte Bible en Langue Yipunu

¹⁷ Tumba guilonsi duganu aduvu na Nsambi ombu mutu uotsu. Letutsingulati divu diwelimina yiri jetu tufuta dumandu ombu kaga?

Matthieu 22:17 Iomraidhean Croise

Esdras 4:13

Kabogu kaga ajabi yiri pa musiengi eni umarungululu na pa bivaga biuonyi bima relugu, bagomuefuta dumandu nesi lepu nesi musuga uvioga na kaga agomuedilanga bado li.

Esdras 7:24

Va julu vana tuidulubusi duyafutisa nesi bavagulitsi bapagu nesi bisi Levi nesi bawimbitsi nesi bakelisi bamakotulu nesibasalitsi baNdagu Nsambi bamunongu na munongu ne dumandu iie lepu ne musuga uvioga.

Nehemie 5:4

Basusu bamavosa rie: Jetu tumasomba badoli ufuta kaga dumandu dumanungi metu.

Nehemie 9:37

Bulongu bueni buvu na digumba dineni ulisila bakaga abeturumi mu mbari tumavaga masumu. Besalisi nyuru tsietu nana berondili na besalisi biruitsi bietu wandi. Ka muna maguga ma tuilabingi!

Jeremie 42:20

Jenu beni dumansindiga ombu Fumu Nsambi enu ava dumavosila rie: Tusambilili Fumu Nsambi etu, tujabisi mambu motsu ama Fumu Nsambi etu ovosa na tumadedila.

Matthieu 17:25

Jandi amavosa rie: Efuti! Ava bamakotila o ndagu Jesus amawivula Pierre rie: Simon yi guitasi? Banyi befutili bakaga lepu na dumandu? Bisi bulongu vo benyi?

Matthieu 22:18

Jesus anojaba yiri diela besoyi amawaka rie: Baboti bamiunu mu mbari yi duimbangili?

Luke 2:1

Mbana kaga Auguste amaruma yiri botsu abamatsana mu bufumu buandi basansumu.

Luke 20:22

Letutsingulati, divu diwelimina yiri jetu tufuta dumandu ombu kaga?

Luke 3:1

Muna yilima yidigumi nabiranu bidurumu dukaga Tibere, Ponce Pilate amaba yivunda yibulongu buJudee na Herode amaruma o Galilee na muana nguji andi Philippe amaruma o Ituree na mu bulongu bubaTrachonie na Lysanias amaruma o Abilene;

Bisalu 17:7

na Jason agugu atsibadila. Guluanu besumuni migaga mikaga mu mbari bevosi yiri va kaga jisusu ajinengulungu Jesus.

Bisalu 25:8

Paul amawaka rie: Nyisamasumuna migaga; ne mibaJuif ne miNdagu Nsambi ne mikaga.

Bisalu 28:22

Tumba tulaba ubueji ugulu ama guilonsi mu mbari tuijabi batu bapuela betumuni paga na malongi magu.

Bisalu 5:37

Rangiminanu Judas muisi Galilee agumalabana mu temu sansama; jandi wandi amaduta batu tumba anoboku badukitsi bandi bamapansiga.