Matthieu 20:30 - La Sainte Bible en Langue Yipunu

³⁰ Bidunga bibeji bimaba bitsana va mugula nsila. Banogulu yiri oyivioyi la Jesus bamagamuga rie: Fumu, Muana David tulasi yingeba!

Matthieu 20:30 Iomraidhean Croise

Nyimbu 146:8

Fumu etsiemusi bidunga, Fumu ereliyi abamaberuga, Fumu erondi batu basigama.

Esaie 29:18

Va temu eni madiba mogulu mambu madibuku; banopala o pisama jibundunga, bidunga biulaba.

Esaie 42:16

Nyuwendisa bidunga mu nsila aji bagejabi, nyubaviosa mu mansila ama basakavioga na kala; va misu mogu nyukalusa pisama yijalala, mbura tsibitsutsudi tsiukaluga yidesi. Adina duganu duami na ngotamba nodidugusu.

Esaie 42:18

Madiba, guluanu! Bidunga, gengilanu na labanu.

Esaie 59:10

Tuibembitini nderi bidunga mu mugula yibaga, tuibembitini nderi mutu aguaa na misu. Va muangulu tuiduku dibaku nderi mukolu.

Matthieu 13:4

Ava akukilanga tsangu tsimosi tsimabonduga va nsila: batsoli bamayetsidoda.

Matthieu 15:22

Mugetu, muisi Cana agumatsana vana, amamurasuna. Amagamuga rie: Muana David ndasi yingeba! Muana ami umugetu enyonyusungu na yinyunyi yibi.

Matthieu 20:31

Batu bamabasiemba novosa nogu rie: Volanu sui! Tumba bamabuela ugamuga na mangolu rie: Muana David tulasi yingeba!

Matthieu 21:14

Bidunga na bitsondu bamabambana na Jesus ava amabila o Ndagu Nsambi na amababelusa.

Matthieu 21:9

Binombu abimawenda va gusu Jesus na abimamuduka bimayenagamuganga rie: Diboti ombu Muana David! Miula mibi ombu jandi oyiruyi mu diina diFumu! Diboti ombu Nsambi!

Matthieu 22:42

Yika tsie duitasili Christ. Mutegula nyi avu? Bamamugabusila rie: Mutegula David.

Marc 10:46

Bamatola o Jericho. Ava bamagusuyila Jesus na badukitsi bandi na yinombu yieni bamarasuna yidunga diina diandi Bartimee agumaba muana dibaala uTimee; amaba atsana va mugula nsila uyevonda.

Luke 4:18

Yinyunyi yiFumu avu nami, amambiatsa usamuna Musamu Uboti ombu abamakambulu. Amansindiga utubula dujegusu ombu bakoli na dulabu ombu bidunga.

Luke 7:21

Va misu mogu Jesus amabelusa bibedu na bibomfi na amapalisa binyunyi bibi na amatiemusa bidunga.

Bisalu 2:30

Kabogu dilabini yiri amaba mubiyitsi agumajaba yiri Nsambi amavangana pangini nandi nojilevila pesi yiri mutegula andi otsana va yitsiga yibufumu buandi.