Matthieu 2:4 - La Sainte Bible en Langue Yipunu

⁴ Jandi amagukiga bivunda biotsu bibavagulitsi bapagu na milonsi mimigaga na amabawivula rie: Agunyi Christ eni oburulu?

Matthieu 2:4 Iomraidhean Croise

2 Misamu 34:13

bamawendisanga basalitsi abamasuvanga bima na abamasalanga bisalu bimunongu na munongu. Bisi Levi basusu bamaba basonitsi na barumitsi na bakelisi bamakotulu.

2 Misamu 34:15

Mbana Hilquia amatsingula Chafan agumaba musonitsi rie: Nyimalaba dibuku dimigaga o gari Ndagu Nsambi; mbana amadivega ombu gandi.

2 Misamu 36:14

Basefu botsu babavagulitsi bapagu na basefu botsu babatu bamafunisa masumu ava bamavayila nsoruru tsimalongu motsu; bamasabula Ndagu Nsambi ajimaba Mbura andi o Jerusalem.

Esdras 10:5

Esdras amarelama. Amalevisa bivunda bibavagulitsi bapagu abamaba bisi Levi na ba Israel botsu pesi udugusu adimavosu na Chekania. Botsu bamajileva.

Esdras 7:6

Esdras eni agumaruyila o Babylone, amaba musonitsi agumaba na dujabu dumigaga miMoise ami Fumu Nsambi Israel amavega. Mangolu ma Fumu Nsambi andi mamaba nandi te na kaga amamusingisa motsu ama amamuwivulanga.

Nehemie 12:7

na Sallou na Amoc na Hilquia na Yedaya. Abana bamaba basefu babavagulitsi bapagu na baana bataji bogu va temu Yechoua.

Nyimbu 2:2

Dibandu yi bakaga babutamba bavu bakunsama utoga divita? Dibandu yi jogu na barumitsi bavu na kueru na Fumu nesi kaga aji amasola?

Jeremie 8:8

Tsie turungulila uvosa tuna diela, migaga miFumu mivu netu. Tsiri basonitsi benu abamakalusa migaga mavindugulu?

Malachie 2:7

Nyiina, yivu yisalu yimuvagulitsi upagu ulonsa batu ujaba Nsambi, batu bawendi ombu gandi ujaba kanu tsiami mu mbari jandi avu yilumbi yiFumu Mabadi.

Matthieu 13:52

Jandi amabatsingula rie: La dibandu mulonsi umigaga uotsu oyikaluli diela noviva Durumu duNsambi ebagunu na mutu oyipalisi bima bigona nesi bigulu mu bungunu buandi.

Matthieu 2:3

Kaga Herode anodigulu amakambulu nabisi Jerusalem botsu wandi.

Matthieu 2:5

Bamamuwagula rie: O dimbu diBethleem o bulongu buJudee. Babiyitsi bamabiga rie:

Matthieu 21:15

Bivunda bibavagulitsi bapagu na milonsi mimigaga bamalaba mambu maboti ama jandi amavaga na bamagulu bangebi ugamuga begamuyi o Ndagu Nsambi rie: Diboti ombu Muana David!

Matthieu 21:23

Jesus amawenda o Ndagu Nsambi. Ava amalonsila, bivunda bivagulitsi bapagu na bivunda bibaJuif bamaruga ombu gandi. Bamamuwivula rie: Agunyi guidilili musuga uvaga mambu meni? Anyi amaguvega musuga egugu?

Matthieu 26:3

Mbana bivunda bivagulitsi bapagu na bivunda bisusu bamawenda fundu va dulombili duCaiphe agumaba yivunda yibavagulitsi bapagu.

Matthieu 26:47

Jesus yika uvosa evosi na Judas, umosi va gari digumi na badukitsi babeji, na batu bapuela abamaba na majenga na banguangu bamaruga. Bamasindugu na bivunda bibavagulitsi bapagu na bivunda bisusu.

Matthieu 27:1

Muna kedi bivunda bibavagulitsi bapagu na bivunda bibaJuif bamabenguna botsu va mosi uyegelila Jesus yinsima nana obokulu.

Matthieu 7:29

mu mbari amalonsa na mangolu tsiri nana milonsi mimigaga mimalonsilanga.

Marc 8:31

Mbana Jesus amabanda ulonsa badukitsi bandi rie: Muana Mutu olaba maguga maneni; bivunda na bavagulitsi bapagu na milonsi mimigaga bomubusa. Va julu vana oboku na orambuga o dufu mu yilumbu yimurieru.

Luke 20:19

Bivunda bibavagulitsi bapagu na milonsi mimigaga mbe baronda umusikiga tumba bamaduma batu; bamajaba yiri Jesus amabatsokila na nongu eni.

Luke 23:10

Bivunda bibavagulitsi bapagu na milonsi mimigaga bamaba vana na bamamufuengilila mambu mapuela.

Jean 18:3

Kabogu Judas na bagora abamasindugu na bivunda bibvagulitsi bapagu na baJuif abamaba baPharisie bamawenda guna na bitogulu na balambi na bitutu.

Jean 3:10

Jesus amamugabusila rie: Ndeʼ guji mulonsi uIsrael na gugejabi mambu meni?

Jean 7:32

BaJuif abamaba baPharisie banogulu bevosi nana bamasindiga bagora umugaanga.

Jean 8:3

Mbana basonitsi na baJuif abamaba baPharisie bamabega mugetu agumatsukugu ava evayili bumbembu. Bamamupalisa va gari batu na

Bisalu 23:9

Vamaba mutsundu uneni na basonitsi bamosi babaPharisie banorelama bamavosa rie: Jetu tugelabi yiri dibaala diedidi ana diambu ne dimosi. Tanguji yinyunyi yibi vo yiansa atsivosa nandi.

Bisalu 4:5

Ava kedi bivunda bibaJuif na bivunda bisusu na milonsi mimigaga bamabenguna o Jerusalem.

Bisalu 6:12

Mu dionyi botsu na bivunda na milonsi mimigaga bamanyoga. La dibandu bamagaangila Etienne na bamamubega o yibenguna yibivunda bineni.