Matthieu 19:6 - La Sainte Bible en Langue Yipunu

⁶ Bagaa babeji bavu yika umosi. Kabogu mutu ayakakasana aba Nsambi amafubana.

Matthieu 19:6 Iomraidhean Croise

Banongu 2:17

oyibusi mulumi andi oyilibini pangini aji amavangana va gusu Nsambi.

Malachie 2:14

Duiwivuli rie: Dibandu yi? Mu mbari Fumu amaba mbeji va bufudu buagu ava jenu na mugatsi agu dumakotila o diwela. Diuleba gumamubusa aji muwamusi agu nesi mugatsi agu.

Malachie 2:16

Kabogu ne mutu mosi ayabusa mugatsi ubufudu buandi! Fumu Mabadi, Nsambi Israel evosi rie: Nyivini uboka mawela na jogu abevayi bukisi. Kebananu, duyabunsa pangini tsienu.

Matthieu 19:5

na amavosa rie: Dibaala osila taji andi na nguji nofubana na mugatsi andi na jogu babeji boba umosi.

Matthieu 19:7

BaPharisie beni bamamuwivula rie: Kabogu dibandu yi Moise amasonina yiri dibaala ana musuga usona muganda uboka diwela nogusula mugatsi andi?

Marc 10:9

Kabogu dibaala ayakakasana aba Nsambi amafubana.

Romains 7:2

Legengilatianu mugaga udi-wela; mugetu-mawela aji atungu na mulumi andi ava mulumi aki monyu. Pa mulumi amafu mugaga uirumi rie: Agaa atungu aji nana.

Ephesiens 5:28

Balumi barondi bagatsi bogu nana tindi nyuru tsiogu. Jandi oyirondi mugatsi andi ekeronda jandi beni.

Hebreux 13:4

Diwela diyitsu na botsu; mulumi na mugatsi bayawenda kulini mu mbari Nsambi ovega bivuyisa na bimbembu mbela.