Matthieu 19:21 - La Sainte Bible en Langue Yipunu

²¹ Jesus amamutsingula rie: Pa guirondi udugusu motsu, weʼ yesumbisa biotsu abivu nagu novega badoli beni ombu bijaga na guba na busina o julu. Mbana ruga, nduki.

Matthieu 19:21 Iomraidhean Croise

Dibandu 17:1

Ava Abram amadugusulu magumidufu na yifu yibilima Fumu amalabana nandi na amamutsingula rie: Menu la Nsambi aguvu na mangolu motsu. Fubana murima nami noba usungama va gusu ami.

Dibandu 6:9

Ayiyi la yilombi yiNoe. Noe amaba dibaala disungama na amaba asigama va gusu Nsambi uviolila babaala botsu batemu andi; Noe amaba na murima umosi na Nsambi,

Job 1:1

Umaba mutu diina diandi Job o bulongu buOus, mutu eni amaba asunda na asungama; amadumanga Nsambi na amavinanga mabi.

Nyimbu 37:37

Wiji musinganyi, gengila aguvu usungama, mungo duvotsu obanganga na maboti.

Matthieu 16:24

Mbana Jesus amavosa na badukitsi bandi rie: Pa mutu erondi unduka vengu obusa mandi motsu nonangula kurusu andi nonduka.

Matthieu 19:20

Mufudu eni amamutsingula rie: Nyimakelisa maruma memama motsu. Vaki disusu?

Matthieu 19:22

Tumba mufudu eni anogulu nana amatunga dusisi na amayenawenda na munyongu mu mbari amaba yisina yineni.

Matthieu 19:28

Jesus amabagabusila rie: Jabanu rie: Ava Durumu duNsambi dujabununu na Muana Mutu otsana va yitsiga yibufumu buandi, jenu (digumi na badukitsi bami babeji) dutsana va bitsiga bibufumu wandi utabulila digumi na bifumba bibeji biIsrael bunsonsi.

Matthieu 4:19

Jesus amavosa nogu rie: Ndukianu na nyuduvaga abeduti batu tsiri bavubitsi buandi.

Matthieu 5:48

Banu batu badugu mu mbari Taji enu ajivu o julu amadugusu motsu.

Matthieu 8:22

Tumba Jesus amamugabusila rie: Nduki, dunda abafu! Jogu botsiga mfumbi tsiogu.

Matthieu 9:9

Mbana Jesus amagusuga vana, amarasuna mubongitsi lepu, diina diandi Matthieu, atsana va mbura aji babongilanga lepu. Jesus amamunengila rie: Matthieu, nduki! Amarelama na amamuduka.

Marc 10:21

Jesus amamugengila yisuisu, amamuronda puela; amavosa nandi rie: Vaki diambu dimosi! Weʼ yesumbisa biotsu abivu nagu novega badoli ombu bijaga mbana guba na busina o julu; mbana ruga, nduki!

Marc 2:14

Yika uvioga evioyi na amalaba Levi muana dibaala uAlphee atsana va mbura aji amabongilanga lepu. Amamutsingula rie: Nduki. Levi amarelama na amamuduka.

Marc 8:34

Mbana Jesus anonengila yinombu na badukitsi bandi amabatsingula rie: Pa mutu erondi ulinga nami vengu obusa mandi motsu nonangula kurusu andi nonduka.

Luke 12:33

Sumbisanu abivu nenu na veganu bijaga mbongu atsi dudila; anana duikerungila komi atsigefu na duba na busina buneni o julu abugobembu na badayitsi nesi batsielili bagobubunga.

Luke 14:33

Jesus amabuesa rie: Munongu mosi mutu uotsu oyirondi uba mudukitsi ami alesila biotsu abivu nandi.

Luke 16:9

Jesus amabuesa rie: Kabogu nyidutsinguli rie: Salisanu busina buenu udila bambatsi yiri ava busukila dudilu na nsangu o julu.

Luke 18:22

Jesus anodigulu amavosa rie: Vaki diambu dimosi! Weʼ yesumbisa biotsu abivu nagu novega mbongu ombu bijaga na guba na busina o julu. Va julu vana ruga, nduki!

Luke 5:27

Mbana Jesus amagusuga va musiengi eni na amarasuna Levi, mubongitsi lepu, atsana va mbura aji bamabongilanga lepu. Jesus amamunengila rie: Nduki!

Luke 6:40

Jogu botsu babeji mbe bobonduga o yiduna. Muwijitsi ageviolili mulonsi tumba muwijitsi uotsu agumamana uwiji ebi nderi mulonsi andi.

Luke 9:23

Mbana amavosa ombu botsu rie: Pa mutu etondi alebusa mandi motsu nonangula kurusu andi yilumbu na yilumbu nondukanga.

Jean 10:27

Bindombu biami bigulu diufi diami; nyibijabi na binduki.

Jean 12:26

Pa mutu erondi unsalila anduki; avana nyivu avana voba musalitsi ami wandi. Tata ami elabi ubueji na mutu oyinsalili.

Bisalu 2:45

Bamasumbisanga bima biogu na botsu bamagabananga dufunu nana bamarondilanga.

Hebreux 10:34

Jenu dumalaba maguga va mosi na bisi tsugu na ava bamadupatulila biboti bienu dumasunsa mirima mu mbari dumajaba yiri dukivuna biboti abiviolili ubueji na abivu mutubu.