Matthieu 18:31 - La Sainte Bible en Langue Yipunu

³¹ Ava basalitsi basusu bamalabila adimavagu, bamagaangu na munyongu kabogu bamawenda ombu fumu umutsingula motsu.

Matthieu 18:31 Iomraidhean Croise

Dibandu 37:2

Ayiyi la yilombi yibaana bababaala baJacob. Ava Joseph amabila yigumi na yisambuali yibilima amakelisanga bindombu na binsabi na amalinganga va mosi na baana bataji bandi abamaburu na Bila na Zilpa bagatsi bataji andi. Joseph amayededanga matamba ombu taji ogu.

Nyimbu 119:136

Ulila nyililingi mu mbari batu bagekelisi migaga miagu.

Nyimbu 119:158

Nyilabi mimbini nsoruru, jogu abagekipi malongi magu.

Jeremie 9:1

Aa mbe nyina mbura jibalinsi usuemina o kumu mbe nyusila batu bami na mbe nyukakana vala nogu mu mbari jogu botsu bavu bimbembu; bavu dibuli dibasoyitsi badiela.

Matthieu 14:9

Adina dimatsirisa murima kaga tumba asamarungula umuebusa mu diambu dipesi aji amalevila va gusu batu.

Matthieu 18:28

Musalitsi eni anopala amabenguna na mbatsi agumamusomba mua badoli. Amamugaanga na amamubatiga va mingunga; amavosa rie; Futa ayi ndeʼ guinsombi.

Matthieu 18:30

Tumba asamagaru, amamukotisa o tsugu yiri amufutili tsiotsu.

Matthieu 18:32

Mbana fumu amanengila musalitsi eni. Amamusiemba rie: Ka muna yimbabu yi! Nyimagusindilila muganu agu mu mbari gumandembiyila.

Marc 3:5

Jesus amabagengila yisuisu, diuleba murima andi umapinda amagaangu na yingeba mu diambu diugala umirima miogu. Amavosa na dibaala rie: Simbula gogu agu. Amagusimbula; gogu andi umabeluga.

Luke 14:21

Musalitsi anogabuga amatolisa misamu miotsu ombu fumu andi. Mbana fumu ndagu amanyoga na amaruma musalitsi rie: Lensa noyenanengila ne bijaga ne bibomfi ne bidunga ne bitsondu, diwendi rie: botsu abavu o dulombili.

Luke 19:41

Banokueka bebeli na dimbu Jesus amabuaga misu na amabanda ulila

Romains 12:15

Laba-nu nsangu va mosi na jogu abelabi nsangu; lilanu va mosi na jogu abelili.

2 Corinthiens 11:21

Ka muna yisonyi yi! Ka muna udeda gu tumadulasa! Pa mutu ususu ana bukidi ukematisa menu wami nyina bukidi udivaga (nyimuevosanana yiduka).

Hebreux 13:17

Dedilanu milonsi mienu na bayitsianu. Bamavegu yisalu udukelisa na vengu bowagula Fumu nderi baji bafumu benu. Pa duivayi nana jogu bosala yisalu yiogu na nsangu. Pa dugevayi nana bosala yisalu yiogu na mifiotu na dugowamusu.

Hebreux 13:3

Rangiminanu bisi tsugu nana nderi jenu wenu duji o tsugu. Rangiminanu abelasu maguga nana nderi jenu wenu duilasu maguga wandi.