Matthieu 18:27 - La Sainte Bible en Langue Yipunu

²⁷ Fumu anogaangu na yingeba amamusindilila muganu.

Matthieu 18:27 Iomraidhean Croise

Nehemie 9:17

bamabusa ugudedila, bamalibana maneni magu ama gumabavayila; bamagalisa mirima miogu bamatabula diambu ugabuga o buviga buogu o Egypte. Tumba gusamabaliyila nsima, guvu Nsambi aguitandingi, Nsambi aguvu na maboti na yingeba, agugaa na yifutsu, aguvu na tindi durondu.

Nyimbu 145:8

Fumu avu mungo yingeba na agaa na yifutsu na abasa na durondu.

Nyimbu 78:38

Tumba mu diambu durondu duandi amabatandila mabi na asamababunga; kumbu tsipuela amakekelisa yiri agonyoga na amasikiga kabu andi.

Nyimbu 86:15

Tumba ndeʼ Fumu guvu Nsambi aguvu na yingeba na maboti agugaa na yifutsu, aguvu abasa na durondu, aguvu asigama,

Nyimbu 86:5

Aa Fumu, ndeʼ guvu muboti na guitandingi, guilasingi maboti ombu jogu abegutatili.

Osee 11:8

Efraim, diambu yi nyuguvayila? Israel, nyurungula uguwakisa? Nyuguvayila dedi mosi na Adma? Nyuguvayila dedi mosi na Seboim? Minima ami ubuka uibuki. Ka muna durondu du nyidurondi!

Matthieu 18:28

Musalitsi eni anopala amabenguna na mbatsi agumamusomba mua badoli. Amamugaanga na amamubatiga va mingunga; amavosa rie; Futa ayi ndeʼ guinsombi.

Matthieu 18:32

Mbana fumu amanengila musalitsi eni. Amamusiemba rie: Ka muna yimbabu yi! Nyimagusindilila muganu agu mu mbari gumandembiyila.

Luke 7:42

Anolaba yiri bagorungula umufutila kabogu amabasingilila miganu miogu. Anyi va gari jogu botsu babeji amamurondila viri?

Luke 7:43

Simon amawagula rie: Nyitasi jandi agu amasingilila tsipuela. Jesus amamutsingula rie: Gutsiwagula buranga.

Bansonsi 10:16

Mbana bamagusula bansambi bangana abamaba nogu na bamamuesalila Fumu agumalaba maguga mogu.