Matthieu 18:25 - La Sainte Bible en Langue Yipunu

²⁵ Mu mbari dibaala dieni asamarungula ufuta muganu andi fumu amaruma yiri basumbusu na mugatsi andi na baana na biotsu abimaba nandi ufuta muganu.

Matthieu 18:25 Iomraidhean Croise

2 Bakaga 4:1

Yilumbu yimosi mugatsi umubiyitsi amatatila Elisee rie: Mulumi ama amafu; guijabi amadumanga Fumu. Musombisitsi amaruga uyibonga baana bami babeji ubavaga baviga bandi.

Nehemie 5:5

Yika tsie tugaa baana bataji? Baana betu na baana bogu bagaa dedi? Laba tumasundusu te na baana betu bamosi bamakotusu o buviga. Yi turungula uvaga, manungi metu motsu mamabongu kala na basombisitsi?

Nehemie 5:8

Nyimabatsingula rie: Na mangolu metu tumakobula baana bataji betu abamasumbusu o malongu mangana. Mbana jenu beni na jenu beni dusumbasana? Bamavola sui mu mbari diambu dimabagaanga.

Ukumuga 21:2

Pa gusumba muviga uHebreu, osala bilima bisiamunu tumba mu yilima yimusambuali ojegusu tsiri ufuta yima.

Ukumuga 22:3

Pa ayimadagu yikivu monyu, nesi ngombi nesi buru nesi yindombu nesi yinsabi oyigabusa nobuesa yisusu va julu.

Esaie 50:1

Fumu eduwivuli rie: Je dumalaba muganda uguboka diwela agu nyimagusulila nguji enu? Je nyimadusumbisa ombu basombisitsi bami? Dumasumbusu mu diambu dimabi menu. Mu diambu dimasumu menu nguji enu jimagusululu.

Bisalu Bilevi 25:39

Pa muana taji agu okambulu te na okesumbisa ombu gagu, guyamusalisa nderi muviga avu.

Matthieu 18:24

Ava amabandila utala, bamamubeyila mutu agumaba na muganu agugorungula utalu.

Luke 7:42

Anolaba yiri bagorungula umufutila kabogu amabasingilila miganu miogu. Anyi va gari jogu botsu babeji amamurondila viri?