Matthieu 18:16 - La Sainte Bible en Langue Yipunu

¹⁶ Pa agogaru, wenda ombu gandi na mutu mosi nesi babeji nana Bisonu bisonugulu rie: Ava mutu egufuengilili batu babeji ne barieru balemana miunu miogu.

Matthieu 18:16 Iomraidhean Croise

1 Bakaga 21:13

Babaala beni babeji bamasungasana nandi na bamafuengilila Nabot va gusu batu botsu rie: Nabot amasienga Nsambi na kaga! Mbana bamamubega o tsomu dimbu na bamamutindila mamanyi na amafu.

Dutalu 35:30

Pa dibaala oboka mutu riandi avu yikongu, bambeji banosingisila bumbeji yikongu aboku; tumba bumbeji bumutu mosi bugorombisa mutu dufu.

Jean 8:17

Dimasonugu mu migaga mienu yiri bumbeji bubatu babeji buvu na tsongu;

2 Corinthiens 13:1

Temu ajiji ajimurieru uruga nyiruyi. Nana Bisonu bisonugulu rie: Ava duitabulili mambu dulegulu miunu mibeji nesi mirieru.

Migaga Mimatubula 17:6

Bambeji babeji nesi barieru banomana miunu, agumavegu mbela aboku, ayaboku na bumbeji bumutu mosi.

Migaga Mimatubula 19:15

Bumbeji bumutu mosi bugaa buwelimina usingisila mutu agumavaga dineni vo disumu ne aji nana nyi; diambu digorungula utabulu te na bambeji babeji nesi barieru bolemana miunu.

1 Timothee 5:19

Guyatabula bunsonsi buyivunda te na mbeji beji vo yirieru bomana miunu.

Hebreux 10:28

Va temu migaga miMoise pa batu babeji nesi barieru bamavega mutu mbela, mutu eni amaboku tsiri ulasu yingeba.

Dulasu 11:3

Nyutinda bambeji babeji aboduara basiela na bosamunanga malongi maNsambi te na tosini na kama beji na magumasiamunu mabilumbu.