Matthieu 17:17 - La Sainte Bible en Langue Yipunu

¹⁷ Jesus amagamuga rie: Ka muna paga ji! Duna mirima migala. Nyisakatsinga nenu? Je nyurungula uwarila kulini tsienu? Bega muana.

Matthieu 17:17 Iomraidhean Croise

Nyimbu 95:10

Mu magumana mabilima nyimatopulu bifu bibi bidukula dueni, mbana nyimavosa rie: Batu bebaba bavu mimbini, bebusi ukipa bifu biami.

Ukumuga 10:3

Moise na Aaron bamawenda ombu Pharaon umutsingula rie: Fumu Nsambi baHebreu jandi rie: Te na temu yi gukesunsila va gusu ami? Dunda batu bami yiri bonsalila.

Ukumuga 16:28

Mbana Fumu amawivula Moise rie: Temu yi dumabandila ubusa udedila maruma mami na migaga miami?

Banongu 1:22

Diwivuli rie: Biduka, te na temu yi durombilanga buduka buenu? Te na temu yi jenu badesitsi dundensilanga? Te na temu yi jenu bifufu duvinanga dujabu?

Banongu 6:9

Ndeʼ mutsoritsi te na temu yi gusimbuyila? Te na temu yi gurambuyila yilu?

Esaie 19:14

Fumu amawitila yinyunyi yiutsiengisa misu va gari ogu urombisa bisi Egypte upepalana mu bisalu biogu biotsu dedi mosi nana mutu aguilangi eyanapepalana noyenaluganga.

Jeremie 4:14

Jerusalem, pa guirondi uwaku kalala, gusula mabi motsu mu murima agu. Te na temu yi gukelisilanga tasulu tsiagu tsikulini o gari murima agu?

Dutalu 14:11

Fumu amawivula Moise rie: Te na temu yi batu bebaba bondensanga? Te na temu yi bopayila yitu? Nyisamabalasanga bimaga bimangolu mami?

Dutalu 14:27

Te na temu yi nyuwarila mitatu mibatu bebaba? Nyimagulu mitatu mibaIsrael.

Matthieu 13:58

Jandi asamavaga bimaga bipuela va mbura eni mu mbari basamamuvayila yitu.

Matthieu 16:8

Jesus amajaba adi bevosi kabogu amabawivula rie: Dibandu yi duitasili diambu dimapa? Ka yitu ugeyi yi yivu nenu!

Matthieu 17:16

Nsimubega ombu badukitsi bagu na bagaarungula umubelusa.

Matthieu 17:18

Jesus amagamuyila yinyunyi yibi rie: Pala! Vana vana muana amabeluga.

Matthieu 6:30

Kabogu pa Nsambi ekipi mambu mabafelera abavu na kembu yilumbu yimosi na yilumbu yisusu bamagumuga, agorungula ukipa diambu dibiduaru biagu? Ka muna yiduka yi!

Matthieu 8:26

Jesus amabawagula rie: Dibandu yi duna goma? Ka yitu ugeyi yi! Jesus anosimbuga amasiemba punga na mingiba bimavola sui; duvotsu dumaba duneni.

Marc 16:14

Mbana Jesus amalabana ombu digumi na mudukitsi umosi ava bamabila va tavula. Amabasiemba rie: Aa bango paga, dibandu yi dusamavayila abamandaba yitu?

Marc 9:19

Jesus amawaka rie: Ka muna paga ji! Duna mirima migala. Nyisakatsinga nenu? Nyurungula uwarila kulini tsienu? Bega muana.

Luke 24:25

Mbana Jesus amavosa nogu rie: Aa, jenu biduka, dugevavayili amamavosu na babiyitsi yitu, mbeyianu?

Luke 9:41

Jesus amawaka rie: Ka muna pagu ji! Duna mirima migala. Nyisakatsinga nenu? Nyurungula uwarila kulini tsienu? Bega muana.

Jean 20:27

Mbana amanengila Thomas rie: Ruga yibembisa mulembu agu va mivedi miami! Gengila makaka mami! Kotisa dikaka va dubansi duami. Guyamuetumuna pagu, payili yitu.

Bisalu 13:18

Va julu vana amabakelisa magumana mabilima o kumu.

Bisalu 2:40

Mbana mu mambu masusu mapuela amabalubusanga rier Rinanu bango paga yiri dugobulu.

2 Corinthiens 11:1

Kokolu tsienu, dugorungula uwarila mua buduka buami? Kululuanu!

Migaga Mimatubula 32:5

BaIsrael bamakebivisa, Fumu agaa na mbela; dusaa baana bandi duvu batu babi na mimbini.