Matthieu 15:19 - La Sainte Bible en Langue Yipunu

¹⁹ Mu mbari motsu mebandi o murima ne matasa mabi ne bukongu ne bumbembu ne bupumbi ne udaga ne bumbeji bumfurulu ne matamba.

Matthieu 15:19 Iomraidhean Croise

Dibandu 6:5

Fumu amalaba yiri batu bamaviosulila ukebivisa; yilumbu na yilumbu bamatasanga yika uvaga mabi.

Dibandu 8:21

Fumu anogulu mbunga jiboti, amatasa rie: Ngomueloga butamba mu diambu dimutu mu mbari matasa mandi magaa maboti ubanda va bungebi buandi; na ngomuebokisa biotsu abivu monyu nana nyibanobokisila.

Nyimbu 119:113

Nyivini bango mabeʼ mabeji, tumba nyirondi migaga miagu

Banongu 22:15

Bangebi bavu na buduka; mukasa ubatsiemusa buonyi.

Banongu 24:9

Matasa mabuduka mavu disumu na mudesitsi ekevaga nsoruru.

Banongu 4:23

Kelisa murima agu ne uviolila bima biotsu: amuna muvu mabandu mamonyu.

Banongu 6:14

bikumbu bibasi mirima miogu, betasingi yika mabi na mabi, berombisi mitsundu.

Esaie 55:7

Mutu agugekipi yitu nesi migaga adundibifubibi, mutu mubi adundi matasa mandi makulini; agabuyi ombu Fumu agumulasa yingeba, nesi ombu Nsambi etu agugetoyi utandanga.

Esaie 59:7

Duiwendi mambangu uyenavaganga mabi na dugetambi nobokanga batu abagaa na mbela; matasa menu mavu yika mabi na mabi duisili dubungu na bivongu mu mbura tsiotsu atsi duivioyingi.

Jeremie 17:9

Murima uiviolili biotsu ufura nobiva: anyi orungula ugujaba?

Jeremie 4:14

Jerusalem, pa guirondi uwaku kalala, gusula mabi motsu mu murima agu. Te na temu yi gukelisilanga tasulu tsiagu tsikulini o gari murima agu?

Dutalu 22:29

Balaam amawagula buru rie: Meʼ guidesi! Mbe nyina dijenga mbe nyimaguboka kala.

Matthieu 15:20

Amana la mambu amebivisi mutu. Tumba uji na makaka mamuinsi ugebivisi mutu.

Matthieu 5:28

Tumba menu nyidutsinguli rie: Dibaala oyinyungili mugetu amakevayila bumbembu nandi.

Matthieu 9:4

Jesus anojaba matasa mogu amabawivula rie: Dibandu yi duitasili matasa mabi nana?

Bisalu 8:22

Kabogu kalula diela na wivula Fumu, tanguji ogutanda.

Romains 7:18

Nyijabi yiri diboti digaa na yimumutu yiami. Diuleba nyina nsala uvaga diboti tumba ngaa na mangolu udivaga.