Matthieu 15:14 - La Sainte Bible en Langue Yipunu

¹⁴ Badundianu! Baji bidunga abiwendisi bidunga; pa yidunga ewendisi yidunga, jogu botsu babeji bagobonduga mu yiduna?

Matthieu 15:14 Iomraidhean Croise

Esaie 31:3

Bisi Egypte bavu batu tsiri bansambi; bakabala bogu bavu bakabala tsiri binyunyi. Ava Fumu osambila gogu andi muwamusitsi oduku dibaku, agumawamusu oberuga; botsu babeji bofu va mosi.

Esaie 42:19

Anyi avu yidunga? Tsiri musalitsi ami? Anyi avu madiba? Tsiri yilumbi ayi nyitindi? Anyi avu yidunga nderi mbatsi Nsambi? Anyi avu yidunga nderi musalitsi uFumu?

Esaie 56:10

Bakelisi baIsrael botsu bavu bidunga na bagaa na dujabu, jogu botsu bavu nderi bamondi abagorungula ulola; bavu badoritsi bamandosi yika usilama besilimi, berondi yika uwendanga bilu.

Esaie 9:16

La dibandu Fumu agelabi nsangu na bafudu bogu na agelasi bisiana nesi bakuili bogu yingeba mu mbari botsu bavu babi na bavayitsi bamasumu; botsu bevosi tindi nsoruru. Ne nana kabu Fumu jigosaguga, via, nguagu jikivu va dikaka diandi.

Jeremie 5:31

babiyitsi bebiyi mfurulu. Bavagulitsi bapagu berumi nana berondili, batu bami belabi ubueji na motsu mana. Yi duvaga va disukusulu?

Jeremie 6:15

Fumu ewivuli rie: Belabi yisonyi mu mbari bamavaga nsoruru? Bagelabi yisonyi, bagelabi bana mbela. La dibandu boberuyila va mosi na jogu abeberuyi; va temu eni nyubakilisa na bobetsu.

Jeremie 8:12

Fumu ewivuli rie: Belabi yisonyi mu mbari bamavaga nsoruru? Bagelabi yisonyi, bagejabi yisonyi. La dibandu boberuyila va mosi na jogu abeberuyi; va temu eni nyubakilisa na bobetsu.

Osee 4:17

BaEfraim bamafubana na bakosi.

Malachie 2:8

Tumba jenu bavagulitsi bapagu dumabivisa yisalu yienu. Duigayi batu bapuela na malongi menu na dumakubula pangini ami. Menu Fumu Mabadi oyidivosi.

Luke 6:39

Jesus amamuebabuayila nongu ejiji rie: Yidunga agorungula uwendisa yidunga nandi, mbeyianu?

Jean 9:39

Mbana Jesus amavosa rie: Nyimaruga o bulongu buebubu uyibutabulila bunsonsi yiri bidungabilabi na jogu abelabi babi bidunga.

1 Timothee 6:5

na mitsundu na dilensa na mitsoki mikulini tsibatu abagaa na matasa mawelimina na abamavinda ngensa. Berondi usalila muyitsa udila busina.

2 Pierre 2:1

Va kala vamaba babiyitsi bamfurulu, munongu mosi va gari enu voba milonsi mimfurulu. Jogu bolonsa malongi amorombisa batu ubungana na bogala Fumu omabagobula, adina diubarombisa usundila ubungana.

2 Pierre 2:17

Batu beni bavu nderi bileka abimakamuga, baji nderi yimbongila ayimatisi difufundu; Nsambi amabakunsila mbura ajivu yika pisama na pisama.

Dulasu 19:20

Yibulu va mosi na mubiyitsi umamfurulu agumavaga bimaga bamakotusu o tsugu. (Na bimaga bieni amadunsa jogu abamasonu na yibulu na abamayitsa yibagunu yiandi.) Yibulu na mubiyitsi umamfurulu bamabuagu jogu botsu babeji o dianga dimuji na fula.

Dulasu 22:15

Bango dijamba na bavanditsi na bivuyisa na bikongu na basambilitsi babakosi na bafuritsi bosiala va gusu kana!