Matthieu 14:19 - La Sainte Bible en Langue Yipunu

¹⁹ Mbana amaruma yinombu rie: Tsananu. Amabonga mapa meni maranu na nyama beji, amanangula misu o julu na amagabusila Nsambi diboti.

Matthieu 14:19 Iomraidhean Croise

Matthieu 14:18

Jandi amavosa rie: Ka bibeyianu!

Marc 6:39

Mbana Jesus amatsingula badukitsi rie: Batsanisianu, maguki maguki mu tsi.

Marc 6:41

Mbana Jesus amabonga mapa meni maranu na nyama tsimamba beji na anonangula misu o julu amagabusila Nsambi diboti. Mbana amabukula mapa na amabavega yiri badukitsi bomagabila yinombu. Mbana amagaba nyama tsimamba beji wandi ombu botsu.

Marc 7:34

Mbana Jesus amabuaga misu o julu; amatsukama na amavosa na dibaba rie: Effata, diwendi rie: panduga.

Luke 22:17

Mbana anobonga kopa amagabusila Nsambi diboti na amavosa rie: Bonganu kopa ejiji na jigabinianu.

Luke 22:19

Mbana amabonga dipa na anomana ugabusila Nsambi diboti amadibukula. Amabagabila novosa rie: Adudu la dunyuru duami [adimavegu mu diambu dienu. Vaganganu nana mutangimina.

Luke 24:30

Ava bamabila va tavula amabonga dipa na anomana ugabusila Nsambi diboti amadibukula na amabavega dionyi.

Luke 9:14

(Vamaba tosini yiranu tsibabaala.) Jesus amatsingula badukitsi bandi rie: Batsanisianu, diguki diguki magumara-maranu.

Luke 9:16

Mbana Jesus amabonga mapa maranu na banyama bamamba babeji; anobuaga misu o julu amagabusila Nsambi diboti mu diambu dibiguji. Mbana amabitabula na amabivega ombu badukitsi ubigabila batu.

Jean 11:41

La dibandu bamagusulila dimanyi. Jesus anogengila o julu amavosa rie: Tata nyigugabusili diboti mu mbari duikulu.

Jean 6:23

Bota tsisusu tsiTiberiade tsimatola bebeli na mbura aji bamalila mapa ama Fumu amabagabila.

Bisalu 27:35

Anomana uvosa nana, amabonga dipa, amagabusila Nsambi diboti va gusu batu botsu mbana amadibukula na amabanda uji.

Romains 14:6

Jandi oyiyitsi yilumbu edivayi uyitsa Fumu; oyiji biguji biotsu edivayi uyitsa Fumu mu mbari ega-busili Nsambi diboti mu bionyi. Jandi oyibusi uji biotsu edivayi uyitsa Fumu na jandi wandi egabusili Nsambi diboti.

1 Corinthiens 10:16

Tasatianu kopa; tunogabusa Nsambi diboti tuijinu na tuifubini na malungu maChrist. Mbeyianu? Munongu mosi na dipa: ava tuidibukulili ditufubini na dunyuru duChrist. Mbeyianu?

1 Corinthiens 10:31

Nesi duiji nesi duinu vo nesi duivayi yima yiotsu yisusu vaganu motsu udodisa Nsambi.

1 Corinthiens 11:24

na anomana ugabusa Nsambi diboti amadibukula na amavosa rie: Adudu la dunyuru duami adumavegu mu diambu dienu. Vaganganu nana utangimina.

Colossiens 3:17

Vaganganu motsu ne duilonsi ne duisali mu diina diFumu Jesus na gabusilanganu diboti ombu Nsambi Tata mu diina diJesus.

1 Samuel 9:13

Ava dutolila o musiengi dumurasuna nesi akawenda o uji o mbura jiyingitsi; mu mbari batu bagoleji te na otola, vengu jandi olevagula pagu; va julu vana obanengila o uji. Kabogu lensanu, dumurasuna va diweru diedidi.