Matthieu 13:44 - La Sainte Bible en Langue Yipunu

⁴⁴ Durumu duNsambi duibagunu wandi na busina abumasuegu o musiru. Mutu oyibulabi emuebusuegulila. Esumbisi biandi biotsu na nsangu yiri orungula usumba musiru eni.

Matthieu 13:44 Iomraidhean Croise

Job 28:13

Dugorungula usumbu na batu; dugaa mu butamba buebubu.

Banongu 16:16

Udila diela uiviolili tindi lora. Udila dujabu uiviolili tindi lora jivema.

Banongu 17:16

Mbongu atsivu va dikaka diyiduka tsi yi? Usumba diela? Agaa na diela via.

Banongu 18:1

Mungo nyinga erombi nsala tsijaʼ beni, evini diela diotsu disusu.

Banongu 23:23

Manina mangolu motsu udila ngensa na guyajitsiemusa, manina mangolu magu motsu udila diela nesi dilongi nesi malubu.

Esaie 55:1

Jenu botsu aduigulu puila, ruganu o mamba; ne pa dugaa na mbongu! Ruganu uyisumba na jianu, yisumbanu malamu na dile, ne dugaa na mbongu, vagaa diambu.

Matthieu 13:24

Jesus amababuayila nongu jisusu rie: Durumu duNsambi duibagunu na mutu agumakuka tsangu tsiboti o nungi andi.

Matthieu 13:46

Ava amalabila perala ajivu jineni amawenda uyesumbisa biandi biotsu yiri orungula ujisumba.

Matthieu 13:47

Durumu duNsambi duibagunu wandi na mbusa ajimabuagu na jisikiyi banyama bamamba bamunongu na munongu.

Matthieu 19:21

Jesus amamutsingula rie: Pa guirondi udugusu motsu, weʼ yesumbisa biotsu abivu nagu novega badoli beni ombu bijaga na guba na busina o julu. Mbana ruga, nduki.

Matthieu 19:27

Mbana Pierre amavosa nandi rie: Jetu tumasila biotsu na tumaguduka. Yi tudila mu dionyi?

Matthieu 19:29

Uotsu ojivu na murima ubusa ndagu andi nesi baana banguji bandi nesi taji andi nesi nguji andi mu diambu diami okelusu ne uviolila. Diwendi rie: odila kama kama mu biotsu na odila monyu umutubu.

Matthieu 6:21

Mu mbari muna mbura aji busina buvu avana murima uvu wandi.

Luke 14:33

Jesus amabuesa rie: Munongu mosi mutu uotsu oyirondi uba mudukitsi ami alesila biotsu abivu nandi.

Jean 6:35

Jesus amabatsingula rie: Menu la mapa mamonyu. Jandi oyiruyi ombu gami agogulu nsala, via! Jandi oyipayili yitu agogulu puila, via!

Romains 15:4

Motsu amamasonugu kala mu Bisonu mamasonugu utuvega ditasa, diwendi rie: mu monyi tuiwiji pugu na uwamusa uNsambi.

Colossiens 2:3

Jandi avu nderi tsafi ajiurungula udibula bisuegu biotsu biNsambi yiri botsu bobidila, diwendi rie: diela na dujabu duNsambi.

Colossiens 3:16

Mbembu Christ jifuningi va gari enu na jiduveyingi mela motsu. Lonsasananu na lubusananu. Wimbilanganu Nyimbu na tsavu na nyimbu tsibunyunyi; wimbililanganu Nsambi ava duimugabusilingi diboti.

Hebreux 10:34

Jenu dumalaba maguga va mosi na bisi tsugu na ava bamadupatulila biboti bienu dumasunsa mirima mu mbari dumajaba yiri dukivuna biboti abiviolili ubueji na abivu mutubu.

Dulasu 3:18

Kabogu nyidulubusi rie: Yisumbanu lora nami, lora ajivu tindi lora yiri duba tindi bisina. Yisumbanu bikutu bivema wandi yiri dudibiga penyi tsienu. Va julu vana yisumbanu bilongu abiudutiemusa.