Matthieu 13:20 - La Sainte Bible en Langue Yipunu

²⁰ Atsimabonduga va yilala yimamanyi tsibagunu na batu abegulu na nsangu.

Matthieu 13:20 Iomraidhean Croise

2 Misamu 24:14

Banomana yisalu bamabega mbongu atsimasialulu ombu kaga nombu muvagulitsi upagu Yoyada na bamavaga bisalulu biNdagu Nsambi na bisalulu bimuyitsa na bipagu tsiunyensa na mamoyi na bisalulu bisusu bilora na bilora jivema. Yitsingu yiotsu yiYoyada bamavagulila pagu tsiunyensa o Ndagu Nsambi.

2 Misamu 24:2

Joas amavaganga amamalasanga Fumu ubueji yitsingu yiotsu yiYoyada muvagulitsi upagu.

2 Misamu 24:6

Kaga amanengila Yoyada agumaba yivunda yibavagulitsi bapagu na amamuwivula rie: Dibandu yi gugaarumina bisi Levi uyebonga dumandu dubaJuda na dubisi Jerusalem: Dumandu adu Moise musalitsi uFumu na baIsrael botsu bamasinga uvega ukelisa Mbura Nsambi aguvu yigara yipangini?

Esaie 58:2

Betombingi bilumbu biotsu berondi ujaba nana nyitasili; nderi bavu batu abedukingi dusungugu abasamabusa migaga miNsambi ogu. Bekwivuli ubatabulila bunsonsi buwelimina; berondi ubambana nami.

Matthieu 13:19

Jogu abegulu mambu maDurumu duNsambi na bagematsiyisi bebagunu na tsangu atsimabonduga va nsila. Mutu mubi eruyi utsiemusa mambu mu mirima miogu.

Matthieu 13:21

Mambu magekoti na jogu bagewari. Ava belabili maguga vo bokuanu mu diambu dimambu maNsambi besundili utsiemusa yitu.

Matthieu 7:8

Mu mbari uotsu oyivondingi edilingi, jandi oyirombingi elabingi na bedibulilingi oyidukisingi.

Marc 6:20

Herode amadumanga Jean agumaba mutu usungama na uwelimina na amamukelisanga na buranga. Diuleba amaregamanga amagulungu malongi mandi.

Jean 5:35

Jean amaba nderi lambi ajimabangusu na ajimadumonitsa; dumalaba ubueji na yijalala yiandi.

Bisalu 8:13

Simon wandi amavayila Jesus yitu na amabatusu. Amalaba ubueji na nsangu na bimaga na bilimba abimalasungu ava amayenalingilanga na Philippe.