Matthieu 13:11 - La Sainte Bible en Langue Yipunu

¹¹ Jesus amabagabusila rie: Dujabu dubimaga biDurumu duNsambi dumaduvegu, tsiri ombu basusu.

Matthieu 13:11 Iomraidhean Croise

Nyimbu 25:14

Fumu ana bumbatsi na jogu abavu basigama, ebajabisi pangini andi.

Esaie 29:10

Fumu amaduwendisa yilu yineni; amatsimisa misu menu diwendi rie: babiyitsi. Amakubiga miunu mienu, diwendi rie: abejabi amavu o gusu.

Esaie 29:11

Dulasu duotsu duvu ombu genu nderi mambu madibuku adimanamugu yilimba adi bewakisi ombu mutu oyijabi uranga nomuruma rie: Ranga mambu memama! Jandi ewaki rie: Ngorungula mu mbari dimanamugu yilimba.

Esaie 35:8

Avana voba diviogulu nesi nsila ajiunengulungu nsila jiyingitsi. Mungo muinsi agovioyila muna, joʼ beʼ na joʼ beni bojivioyilanga; jogu abovioyila muna bagotsiemuga nesi biduka bigorungula utsiemuga.

Matthieu 13:10

Badukitsi bamaruga ombu Jesus na bamamuwivula rie: Dibandu yi guibuayili batu yika banongu na banongu?

Matthieu 16:17

Jesus amamuwaka rie: Simon muana Jean, ka muna nsangu ji jivu nagu! Gusamalonsu na mutu uvosa dionyi tumba Taji ami ajivu o julu amagulonsa.

Matthieu 19:11

Jandi amabawaka rie: Botsu bagomngula usinga dilongi dieni yika aba Nsambi amadirungusa.

Matthieu 20:23

Jandi amabagabusila rie: Divu dingensa yiri dunu kopa aji nyunu. Tumba menu ngaa na musuga utsanisa mutu va mabaala vo va magetu mami. Nsambi ovega bitsiga bieni ombu aba amabikunsila.

Marc 10:40

Tumba menu ngaa na musuga utsanisa mutu va mabaala vo va magetu mami. Nsambi ovega bitsiga bieni ombu aba amakunsila bionyi.

Marc 4:11

Amabagabusila rie: Ombu genu dumatsingulu diambu adisakajabunu diDurumu duNsambi tumba ombu jogu abasakakota mu muyitsa egugu motsu mevosulu na banongu.

Luke 8:10

Jesus amawagula rie: Dujabu dumambu maDurumu duNsambi dumaduvegu tumba ombu basusu dumavosu yika na banongu. Diwendi rie: Begengili yika ugengila tumba bagelabi, na begulu yika ugulu tumba bagetsiyisi.

Jean 6:65

La dibandu nyimadutsingulila rie: Mutu agorungula uruga ombu gami pa Nsambi agemusingisi.

Jean 7:17

Mutu uotsu oyivayi duganu duNsambi ejabi yeri malongi mami meruyili ombu Nsambi vo mavu amami.

Bisalu 16:14

Umosi, diina diandi Lydie agumaba muisi Thyatire, jandi amaba musumbisiti umatsanda maboti mabenga na amasambilanga Nsambi. Amatugulu na Fumu amamuvega murima ugulu notsiyisa ama Paul amalonsa.

Romains 11:25

Baana bataji, nyirondi udujabisa dia-mbu. Dionyi diudugandisa ukematisa. Adidi rie: kanda tsibaJuif tsigoba mutubu, tsiuba yika te na dutalu duwelimina du-abagaa baJuif bogobulu.

Romains 16:25

Tudodisianu Nsambi! Jandi ana ma-ngolu uwarisa yitu yienu nana Musamu Uboti agu nyisamuni uivosili. Musamu eni agu nyi-samuni la malongi maJesus Christ amamale-suegu mbana mamavegu ombu babiyitsi.

1 Corinthiens 13:2

Diurungula uba yiri nyimadila pegulu jiNsambi ubiga nesi diela dineni dibisalu nesi dujabu duotsu; diurungula uba wandi yiri nyina yitu yiwelimina urakula mikongu tumba pa ngaa na durondu yi nyudila mu dionyi?

1 Corinthiens 15:51

Guluanu, nyidujabisi adimasuegu, adidi rie: Jetu botsu tugofu; ava mumbanda usigulu tusunda ufuikulu mu ditsabisa didisu. Bamfumbi borambuga mugungula na jetu botsu tufuikulu.

1 Corinthiens 2:14

Tumba mutu agusadila Yinyunyi yiNsambi agegulu mambu mangensa ameruyili Yinyunyi yieni na agorungula umajaba mu mbari mevosulu na Yinyunyi yiNsambi.

1 Corinthiens 2:7

Tumba nyilonsi diela diNsambi adisamalelabana tumba adimasuegu ombu batu, adi Nsambi amatukunsila ne butamba bukasundu.

1 Corinthiens 4:1

Uabanu rie: tuji basalitsi baChrist abamasindugu na mambu mangensa na bisuegu biNsambi.

1 Corinthiens 4:7

Anyi amasunda mutu muneni? Motsu amavu nagu masamaruyila ombu Nsambi? Kabogu dibandu yi guikematisila nderi gusamadila motsu muensili?

Ephesiens 1:18

Nyisambili wandi yiri odibula matuji menu yiri dugulu na buranga ditasa adimaduvegu ava Fumu amadunengilila.

Ephesiens 1:9

na amatujabisa yisuegu ayimasuegu kala ayimadugusu na Christ.

Ephesiens 5:32

Yisuegu yieni yivu yineni; nyivosili dionyi mu diambu diChrist na dibundu.

Ephesiens 6:19

Sambilanu mu diambu diami wandi yiri Nsambi opega malongi va temu aji nyuvosila. Sambilanu wandi yiri nyuvosa na bukidi ava nyipalisili yisuegu yiMusamu Uboti.

Colossiens 2:2

Nyimasala nana yiri jogu boba na dinonga na yiri borondasana te na bagomuetumusana paga. Mbana bojaba yisuegu yiNsambi ayivu Christ jaʼ beni.

1 Timothee 3:16

Ka muna yimaga yi yivu mu muyitsa etu! Jandi amakaluga mutu na dusungugu duandi dumalasu na Yinyunyi yiNsambi, amalabana na biansa, amasamunu o malongu motsu, amavagulu yitu na bisi butamba na amamatusu o julu.

1 Timothee 3:9

na bawarisi yitu yiogu; bawarisi malongi mangensa na mayitu; bayaba na mbela tsiotsu.

Jacques 1:5

Pa mutu agaa na diela adivondi ombu Nsambi oyidiveyi ombu botsu na yingeba yiandi ne uviolila na diumuvegu.

1 Jean 2:20

Christ amaduvega Yinyunyi yiNsambi kabogu duijabi ngensa.

1 Jean 2:27

Christ amaduvega Yinyunyi yiandi. Yiotsu ayi Yinyunyi yieni etsanini nenu dugaa na nsala mulonsi ususu. Mu mbari Yinyunyi yieni edulonsi motsu: amavu mangensa na amagaa mangensa. Kabogu dedilanu malongi maYinyunyi yiChrist yiri duba murima umosi nandi.