Matthieu 12:4 - La Sainte Bible en Langue Yipunu

⁴ Amakota o Ndagu Nsambi na amabonga mapa amamavagulu ombu Nsambi diuleba asamaba na musuga, amamaji na amamavega ombu bambatsi bandi. Tsie jetu tugaa na mugaga aguivosi yika bavagulitsi bapagu bana musuga umaji?

Matthieu 12:4 Iomraidhean Croise

Ukumuga 25:30

Va julu tavula gukasunsanga mapa mapagu te na mutubu va gusu ami.

Bisalu Bilevi 8:31

Moise amatsingula Aaron na baana bandi bababaala rie: Lambisanu nyama tsimulumi yindombu agumubeji va dikotulu diNdagu Yibenguna; avana dujijanganga na mapa amavu mu yievi yidubiatsu nana nyimarumina ava nyimavosila rie: Aaron na baana bandi bababaala bobiji.

Matthieu 12:3

Jesus amabawivula rie: Mbe dusakaranga adi David amavaga ava amagululu nsala, jogu na bambatsi bandi?

Matthieu 12:5

Dusakaranga migaga miMoise ujaba yiri tsona tsiotsu bivunda bibavagulitsi bapagu abesali o Ndagu Nsambi besumuni migaga, ne nana bagaa na mbela?

Marc 2:26

Amakota o Ndagu Nsambi na amaji mapa amamavagulu pagu ombu Nsambi. Dimalabana mu temu Abiatar amaba yivunda yibavagulitsi bapagu. Tsie jetu tugaa na mugaga aguiveyi yika bavagulitsi bapagu musuga umaji? Tumba David amamaji na amamavega ombu abandi.

Luke 6:4

Amakota o Ndagu Nsambi na amabonga mapa amamavagulu ombu Nsambi, amamaji na amamavega ombu bambatsi bandi. Tsie jetu tugaa na mugaga aguivosi yika bavagulitsi bapagu bana musuga umaji?

Hebreux 9:2

Ndagu jitsanda jimarelugu. Mu yibuku ayitega ayimanengulungu Mbura Nsambi umaba dingasa na tavula na mapa amamavagulu ombu Nsambi.

1 Samuel 21:4

Muvagulitsi upagu amawaka David rie: Ngaa na mapa o ndagu nana na kala tumba vavu mapa mapagu; pa batu bagu bagaafubana bitsiga na bagetu nyurungula uguvega monyi.

1 Samuel 21:6

Kabogu muvagulitsi upagu amamuvega mapa mayingitsi mu mbari vasamaba mapa masusu; yika mapa mapagu amamagusululu va gusu Fumu novinsu na amamagoku muna yilumbu yieni.