Matthieu 12:14 - La Sainte Bible en Langue Yipunu

¹⁴ BaJuif abamaba baPharisie bamapala na vana vana bamatunga fundu nana bobokila Jesus.

Matthieu 12:14 Iomraidhean Croise

Matthieu 26:4

Bamaromba diela uboka Jesus o musuega.

Matthieu 27:1

Muna kedi bivunda bibavagulitsi bapagu na bivunda bibaJuif bamabenguna botsu va mosi uyegelila Jesus yinsima nana obokulu.

Marc 14:1

Bivunda bibavagulitsi bapagu na milonsi mimigaga banojaba yiri vamasiala yika bilumbu bibeji te na feta jimapa magambu na dufunusu ajinengulu Paque, bamaronda uboka Jesus o musuega.

Marc 3:6

BaJuif abamaba baPharisie bamapala o Ndagu Yibenguna na vana vana bamatunga fundu na bambatsi baHerode nana bobokila Jesus.

Luke 22:2

Bivunda bibavagulitsi bapagu na milonsi mimigaga bamaronda uboka Jesus tumba bamaduma batu.

Luke 6:11

Banodilaba bamanyoga kabu jineni na bamabanda uwivusana rie: Tsie tuvayila Jesus?

Jean 10:31

Mbana baJuif bamamuebola mamanyi umutindila.

Jean 10:39

Bamamueronda umugaanga tumba amabarina.

Jean 11:53

Murta yilumbu yieni bivunda bibaJuif bamatabula diambu umuboka.

Jean 11:57

Kabogu bivunda bibavagulitsi bapagu na baPharisie bamavosa rie: Pa mutu ejabi agu Jesus avu, adivosi yiri tumugaanga.

Jean 5:18

BaJuif banodigulu bamamuerombanga umuboka. Bamajaba yiri amasumuna mugaga mu diambu ditsona mbana va julu vana evosi yiri Nsambi aji tindi Taji andi na aji dedi nandi.

Jean 7:30

Kabogu jogu mbe bamugaanga tumba basamarungula mu mbari diweru diandi mbe disakatola.

Jean 7:32

BaJuif abamaba baPharisie banogulu bevosi nana bamasindiga bagora umugaanga.

Jean 7:44

Bamosi bamaronda umugaanga tumba basamarungula.

Jean 8:59

Bamabola mamanyi umutindila tumba Jesus amasuema na amapala o Ndagu Nsambi.