Matthieu 10:41 - La Sainte Bible en Langue Yipunu

⁴¹ Jandi oyidili mubiyitsi Nsambi mu mbari avu mubiyitsi Nsambi osaku dedi nandi; jandi oyidili mutu aguvu usungama na Nsambi mu mbari avu asungama na Nsambi osaku dedi nandi.

Matthieu 10:41 Iomraidhean Croise

Dibandu 20:7

Tsie gabusi mugatsi ngana. Jandi avu mubiyitsi, ogusambilila na gudila monyu. Tumba pa gugogabusa mugetu eni, jaba rie: gufu na abagu botsu wandi.

Esaie 3:10

Batubulilianu rie: Ka muna ubueji gu uvu na batu basigama; bolaba nsangu na abi bamasalanga.

Matthieu 16:27

Mu mbari Muana Mutu yika uruga eruyi na bundumba buTaji andi na bubiansa mbana ofuta botsu nana bamasalila.

Matthieu 25:44

Bowivula wandi rie: Fumu, temu yi tumagulabila na nsala vo puila vo penyi vo ubela vo o tsugu na tusamaguwamusa?

Matthieu 25:45

Obagabusila rie: Jabanu rie: Temu tsiotsu atsi dusamawamusa baana baTaji bami dusamakwamusa.

Matthieu 6:1

Kebananu yiri dugokematisa va gusu batu mu diambu dibifu bimuyitsa enu. Pa duivayi nana dumakesakulu na Taji enu ajivu o julu agomuedubuesa yisusu.

Matthieu 6:18

Yika Taji agu ojivu nagu ojaba, oyigulabi o musuega ogusaka.

Matthieu 6:4

diboti diagu divagu o musuega. Taji agu oyilabi adi guivayi o musuega ogusaka.

Matthieu 6:6

Tumba ndeʼ pa guna nsala usambila, kota o ndagu, dibiga diguyi na sambila Taji agu ajivu nagu guna. Taji agu oyilabi adi guivayi o musuega ogusaka.

Matthieu 7:8

Mu mbari uotsu oyivondingi edilingi, jandi oyirombingi elabingi na bedibulilingi oyidukisingi.

Bisalu 16:15

Amabatusu na bisi ndagu andi wandi. Mbana amatunengila novosa rie: Pa duilabi yiri nyivu mudukitsi uFumu, ruganu o ndagu ami noyetsana. Amatunengila na yisuebiri kabogu tumawenda.

Romains 16:23

Gaius edutindili mambolu, nyivu nandi na nyibenguni o ndagu andi. Eraste edutindili mambolu. Aji mukelisi mbongu va dibundu diedidi. Muana taji etu Quartus edutindili mambolu! [

1 Corinthiens 9:17

Pa nyilonsi mu mbari nyirondi ulonsa nyulaba nsangu ajiuba nderi yisaku. Tumba pa nyilonsi mu mbari nyimarumu ulonsa nyiduki diruma.

Hebreux 6:10

Nsambi agaa na biliba. Agelibini bisalu bienu nesi durondu adu dumamulasa ava dumawamusila baana bataji benu.

2 Jean 1:8

Kebananu yiri dugobivsa yisalu ayi tumabanda nenu. Salanu yiri o gusu dusaku.