Matthieu 10:19 - La Sainte Bible en Langue Yipunu

¹⁹ Ava bodufundisila duyalaba goma na duyaletasa adi duwagula na nana duwagulila; muna diweru dieni dudila adivu diwelimina uvosa.

Matthieu 10:19 Iomraidhean Croise

Ukumuga 4:12

Kabogu, wenda. Nyuba nagu na nyugulonsa ama guvosa.

Ukumuga 4:15

Ndeju gumutsingula ama guronda uvosa; menu nyuba nagu na nyuba nandi wandi, nyudulonsa motsu amaduvaga.

Jeremie 1:7

Fumu amawaka rie: Guyavosa rie: Nyivu ngebi Mu mbari vengu guwenda ombu botsu aba nyugusindiga; guvosa motsu ama nyuguruma.

Jeremie 1:9

Mbana Fumu amasamba dikaka diandi na amabemba munu ami na amavosa rie: Ndeʼ guvosanga mambu mami.

Matthieu 10:18

Mu diambu diami bodubega va gusu bivunda bimalongu nesi va gusu bakaga, avana dudila temu umana miunu mienu va gusu ogu na va gusu abagaa baJuif.

Matthieu 6:25

La dibandu nyidutsingulili rie: Duyaketsoyisa na nsanunu tsienu: nesi mu diambu dibiguji nesi mu diambu dibinuigu nesi mu diambu dibiduaru. Muvumu uiviolili biguji na dunyuru duiviolili biduaru.

Matthieu 6:31

Kabogu duyatata novosa rie: Yi tuji? Vo rie: Yi tunu? Vo rie: Yi tuduara?

Matthieu 6:34

Kabogu duyatata mu diambu dimambu amoba mugesa; mu mbari mugesa la mugesa. Yilumbu yiotsu yiwelimina na mambu mayionyi.

Luke 12:11

Pa bodusosisa o Mandagu maBibenguna va misu mabatu badiela na barumitsi duyakambulu mu ama duvaga ukekagula vo ama duvosa;

Luke 12:12

Yinyunyi yiNsambi odulonsa mawelimina uvosa muna diweru dieni.

Bisalu 6:10

Tumba Yinyunyi yiNsambi amavega Etienne diela la dibandu basamarungulila ugagana nandi.

Philippiens 4:6

Duyakambulu tumba mu mambu motsu jabisanu nsala tsienu ombu Nsambi mu tsambu na mu dulembu na mu kabusulu tsimaboti.

2 Timothee 4:17

Tumba ne nana Fumu amakwamusa na amakwarisa yiri nyusamuna Musamu Uboti yiri abagaa baJuif botsu bogulu; nyimaba nderi mutu agumagaangu na yimbungu tumba nyimagobulu na Fumu.

Jacques 1:5

Pa mutu agaa na diela adivondi ombu Nsambi oyidiveyi ombu botsu na yingeba yiandi ne uviolila na diumuvegu.