Matthieu 1:12 - La Sainte Bible en Langue Yipunu

¹² Banobegu baviga o Babylone Yekonia akabura Salathiel; Salathiel akabura Zorobabel;

Matthieu 1:12 Iomraidhean Croise

2 Bakaga 24:14

Amabega bisi Jerusalem botsu baviga na basefu botsu na babaala botsu bamangolu; dutalu duogu dumaba yigumi yitosini tsibaviga tsiri utala basarpati na bavayitsi bamangongi; bamasila yika mua batu.

2 Bakaga 25:27

Yilima yimagumarieru na yisambuali bibuviga buJoakin kaga jiJuda, Evil-Merodak amabiatsu kaga jiBabylone. Mu yilumbu yimagumabeji na yisambuali yitsungi jiyigumi na beji mu yiliina yitega yidurumu duandi amajeyisa Joakin kaga jiJuda na amamupalisa o tsugu.

1 Misamu 3:17

Miina mabaana bababaala baYekonia agumabegu koli o Babylone amama: Chealtiel

Esdras 3:2

Yechoua muana dibaala uYossadac na baana bataji bandi abamaba bavagulitsi bapagu na Zorobabel muana dibaala uChealtiel na baana bataji bandi bamamuerunga yinyensulu yipagu yiNsambi Israel uyevagula pagu tsiunyensa nana dimasonugulu mu migaga miMoise musalitsi Nsambi.

Esdras 5:2

Mbana Zorobabel muana dibaala uChealtiel na Yechoua muana dibaala uYossadac bamabanda urungulila Ndagu Nsambi o Jerusalem va mosi na babiyitsi baNsambi.

Nehemie 12:1

Amama la miina mabavagulitsi bapagu na mabisi Levi abamaruga na Zorobabel muana dibaala uChealtiel na Yechoua: Seraya na Inneya na Ezra

Jeremie 22:24

Fumu evosi na Konia muana dibaala uJoaquim kaga jiJuda rie: Ne pa guvu nderi moru mu dikaka diami dimabaala ne nana nyugubuaga. Nyilevi pesi na diina dimeʼ beni rie:

Jeremie 22:28

Bowivula rie: Je Konia avu nderi yisanga ayimavinu na yimabulu? Je avu nderi mbiji ajigaa na tsongu? Dibandu yi amabingulu jogu na baana bandi? Dibandu yi bamabuagulu o dilongu adi bagejabi?

Jeremie 22:30

Fumu jandi rie: Sonanu dibaala diedidi va mosi na jogu abagaa na baana. Amakonda tindi ukonda mu mbari ne mutegula umosi agovinga va yitsiga yibufumu yiDavid, nesi uruma o bulongu buJuda.

Jeremie 27:20

Nabucodonosor kaga jiBabylone asamabigusula ava amagaangila Yekonia muana uJoaquim kaga jiJuda na baneni botsu baJuda na bisi Jerusalem abamabegu bakoli o Babylone.

Aggee 1:1

Yilima yimubeji bidurumu dukaga Darius mu yilumbu yitega mu tsungi yimusiamunu, Fumu amavosa na Aggee. Amamuruma utsingula Zorobabel muana dibaala uChealtiel agumaba yivunda yibulongu buJuda na Yechoua muana dibaala uYossadac agumaba yivunda yibavagulitsi bapagu mambu maFumu rie:

Aggee 1:12

Zorobabel muana dibaala uChealtiel na Yechoua muana dibaala uYossadac agumaba yivunda yibavagulitsi bapagu na bakoli botsu bamagulu diufi diFumu Nsambi ogu na mambu maAggee mubiyitsi nana Fumu Nsambi amamurumina. Batu bamagaangu na goma va gusu Fumu.

Aggee 1:14

Fumu amasibisa Zorobabel agumaba murumitsi uJuda na Yechoua agumaba yivunda yibavagulitsi bapagu na batu botsu na bamawenda uyebanda yisalu yiNdagu Nsambi aguvu Fumu Mabadi,

Aggee 2:2

Tsingula Zorobabel muana dibaala uChealtiel murumitsi uJuda na Yechoua muana dibaala uYossadac yivunda yibavagulitsi bapagu na bakoli botsu rie:

Aggee 2:23

Muna yilumbu yieni Zorobabel muana dibaala uChealtiel, ndeʼ aguvu musalitsi ami, nyugukelisa nderi yilimba, nyimagusola uba musalitsi ami. Adina menu Fumu Mabadi nyivosi.

Matthieu 1:11

Josias akabura Yekonia na baana bataji bandi, temu aji batu baIsrael bamabegulu baviga o Babylone.

Matthieu 1:13

Zorobabel akabura Abiud; Abiud akabura Eliakim; Eliakim akabufa Azor;

Matthieu 1:17

Kabogu vavu digumi na kula jina ubanda na Abraham te na David; digumi na kula jina ubanda na David na dubegulu o Babylone; na digumi na kula jina ubanda na dubegulu o Babylone te na duburu duChrist.

Luke 3:27

muana uJoanan muana uRhesa muana uZorobabel muana uSalathiel muana uNeri,