Marc 9:19 - La Sainte Bible en Langue Yipunu

¹⁹ Jesus amawaka rie: Ka muna paga ji! Duna mirima migala. Nyisakatsinga nenu? Nyurungula uwarila kulini tsienu? Bega muana.

Marc 9:19 Iomraidhean Croise

Nyimbu 78:22

Basamavayila Nsambi yitu; basamavayila nesi duwamusu duandi yitu.

Dutalu 14:11

Fumu amawivula Moise rie: Te na temu yi batu bebaba bondensanga? Te na temu yi bopayila yitu? Nyisamabalasanga bimaga bimangolu mami?

Dutalu 14:22

Botsu abamalaba bundumba bueni na bimaga abi nyimavaga o Egypte nesi o kumu, jogu abamambanga yigumi yikumbu na abasamagululu diufi diami,

Dutalu 14:27

Te na temu yi nyuwarila mitatu mibatu bebaba? Nyimagulu mitatu mibaIsrael.

Matthieu 17:17

Jesus amagamuga rie: Ka muna paga ji! Duna mirima migala. Nyisakatsinga nenu? Je nyurungula uwarila kulini tsienu? Bega muana.

Marc 16:14

Mbana Jesus amalabana ombu digumi na mudukitsi umosi ava bamabila va tavula. Amabasiemba rie: Aa bango paga, dibandu yi dusamavayila abamandaba yitu?

Marc 9:18

Diweru adi yinyunyi yibi yimugaangi yimubuayi va tsi; muana epalisi mafuitsa na evayi diweriti na jaʼ uotsu akayimbanga. Nsiwivula badukitsi bagu umupalisila yinyunyi tumba bagaarungula.

Marc 9:20

Bamamubega ombu gandi. Yiotsu ayi yinyunyi yibi yilabili Jesus yimagaanga muana, muana amaberuga na amayenabungalananga; mafuitsa mamapala o munu andi.

Luke 24:25

Mbana Jesus amavosa nogu rie: Aa, jenu biduka, dugevavayili amamavosu na babiyitsi yitu, mbeyianu?

Luke 9:41

Jesus amawaka rie: Ka muna pagu ji! Duna mirima migala. Nyisakatsinga nenu? Nyurungula uwarila kulini tsienu? Bega muana.

Jean 12:27

Namunyi nyilabi keri. Diambu yi nyuvosa? Tata kaguli mu diweru diedidi? Nesi, mu dionyi nyimaruyila.

Jean 20:27

Mbana amanengila Thomas rie: Ruga yibembisa mulembu agu va mivedi miami! Gengila makaka mami! Kotisa dikaka va dubansi duami. Guyamuetumuna pagu, payili yitu.

Migaga Mimatubula 32:20

Amavosa rie: Ngomuebagengila mbana nyulaba disukusulu diogu nana diubila! Bavu mimbini na baana abagaa na dululu.