Marc 9:18 - La Sainte Bible en Langue Yipunu

¹⁸ Diweru adi yinyunyi yibi yimugaangi yimubuayi va tsi; muana epalisi mafuitsa na evayi diweriti na jaʼ uotsu akayimbanga. Nsiwivula badukitsi bagu umupalisila yinyunyi tumba bagaarungula.

Marc 9:18 Iomraidhean Croise

Job 16:9

Na kabu andi Nsambi amansola uwarila maguga, endukingi, epayili duweriti, muvinitsi ami endikuli.

Nyimbu 112:10

Ava mutu mubi emulabili esundili unyoga, evayingi duweriti na enyoyingi. Ditasa diandi dimatsiemuga.

Matthieu 15:22

Mugetu, muisi Cana agumatsana vana, amamurasuna. Amagamuga rie: Muana David ndasi yingeba! Muana ami umugetu enyonyusungu na yinyunyi yibi.

Matthieu 17:16

Nsimubega ombu badukitsi bagu na bagaarungula umubelusa.

Matthieu 8:12

Tumba jogu abamakonda ukota bobuagu o pisama ajivu o dulombili, aguna bolilanga nonyonganga.

Marc 11:23

durungula uvosa na mukongu egugu rie: Gusuga vana na kebuaga o mubu. Pa dugotumuna paga, diwendi rie: pa duivayi yitu yiri adi dutsivosa diuvagu dudilaba.

Marc 9:17

Mutu mosi amamuwaka rie: Mulonsi, laba nsibega muana ami. Aka na yinyunyi yibi ayimurombisi bubaba.

Marc 9:19

Jesus amawaka rie: Ka muna paga ji! Duna mirima migala. Nyisakatsinga nenu? Nyurungula uwarila kulini tsienu? Bega muana.

Marc 9:20

Bamamubega ombu gandi. Yiotsu ayi yinyunyi yibi yilabili Jesus yimagaanga muana, muana amaberuga na amayenabungalananga; mafuitsa mamapala o munu andi.

Marc 9:26

Na mugamu uneni yinyunyi yibi yimagaanga muana nomututusa na mangolu maneni mbana yimapala. La dibandu bamavosila rie: Amatabuga.

Bisalu 7:54

Ava bivunda bineni bamagululu mambu meni bamanyoga kabu jineni te na misu mogu mamabenga.

Jude 1:13

Bavu nderi mibiji mimubu amisindili mafuitsa na muinsi; bavu nderi bambuelili abebonduyi; ne mbura aji-mabakunsulu jivu pisama na pisama.