Marc 7:34 - La Sainte Bible en Langue Yipunu

³⁴ Mbana Jesus amabuaga misu o julu; amatsukama na amavosa na dibaba rie: Effata, diwendi rie: panduga.

Marc 7:34 Iomraidhean Croise

Ukumuga 2:23

Yitsingu yineni yinovioga, kaga jiEgypte amafu, baIsrael ubima mbe bakibima o buviga; migamu miogu mibuviga mimagulunu te nʼombu Nsambi.

Esaie 53:3

Amalensu na amabusu na batu, amawarila buali na amajaba maguga, amalensungu. Tumamulensa na tusamamugaru.

Marc 1:41

Jesus amagaangu na munyongu na amasimbula gogu; anomubemba amavosa nandi rie: Nyirondi, beluga.

Marc 15:34

Ava murekumunu Jesus amagamuga rie: Eloi, Eloi, lema sabachthani? Divindugulu rie: Nsambi ami, Nsambi ami, mu mbari yi gumambuayila?

Marc 5:41

Jesus amagaanga gogu muana na amavosa nandi rie: Talitha koum, divindugulu rie: Menu nyirumi rie: Muana umugetu ugeyi, relama!

Marc 6:41

Mbana Jesus amabonga mapa meni maranu na nyama tsimamba beji na anonangula misu o julu amagabusila Nsambi diboti. Mbana amabukula mapa na amabavega yiri badukitsi bomagabila yinombu. Mbana amagaba nyama tsimamba beji wandi ombu botsu.

Marc 7:35

Vana vana matuji mandi mamapanduga na dulimi duandi dumanyanguga; amavosa na buranga.

Marc 8:12

Mbana Jesus amamuangisa muru na amavosa rie: Dibandu yi batu batemu ejiji bekwivuli yilimba? Nyidutsinguli rie: Batu bebaba bagolaba yilimba, via!

Luke 18:42

Jesus amamutsingula rie: Tiemuna, yitu yiagu yimagutiemusa.

Luke 19:41

Banokueka bebeli na dimbu Jesus amabuaga misu na amabanda ulila

Luke 7:14

Mbana Jesus amakueka ombu gogu; amabemba yigara yimfumbi na babaala abamayibeganga bamasikama. Jesus amaruma rie: Mufudu, rambugati!

Jean 11:33

Jesus anolaba jandi na baJuif abamaruga nandi ulila belili amatsukama.

Jean 11:35

Jesus amalila.

Jean 11:38

Jesus amamuetsukama mbana amawenda o ngila. Jimaba dilima adimadibugu na dimanyi.

Jean 11:41

La dibandu bamagusulila dimanyi. Jesus anogengila o julu amavosa rie: Tata nyigugabusili diboti mu mbari duikulu.

Jean 11:43

Anomana uvosa nana amagamuga rie: Lazare, pala!

Jean 17:1

Jesus anomana uvosa nana amanangula misu o julu novosa rie: Tata, diweru dimatola! Matisa Muana agu yiri Muana agu ogudodisa.

Bisalu 9:34

Pierre amamutsingula rie: Enee, Jesus Christ egubelusi; relama, kunsa tangi agu. Kabogu amarelama.

Bisalu 9:40

Pierre amapalisa batu botsu; amakutama na amasambila mbana amageluga o yiari yimfumbi. Amavosa rie: Tabitha, relama! Amatiemuna, anolaba Pierre amatsana.

Hebreux 4:15

Yivunda yietu yibavagulitsi bapagu ana murima na ejabi udeda uetu na amamangu munongu mosi nana jetu tumba asamasumuna.