Marc 6:21 - La Sainte Bible en Langue Yipunu

²¹ Yilumbu ayi Herode amanengila barumitsi na bivunda bibagora na baneni baGalilee uyeji feta jiduburu duandi, Herodiade amadugusu kaka andi.

Marc 6:21 Iomraidhean Croise

Dibandu 27:41

Esau amavina Jacob mu diambu dimiula ami taji amamugabila, Esau amavosa o tsi murima andi rie: Namapapa taji ami ofu, muna yilumbu yieni nyubokila muana nguji ami Jacob.

Dibandu 40:20

Bilumbu birieru binovioga feta jiduburu duPharaon jimaba; amalambisila basalitsi bandi botsu mulambu uneni mbana va misu mogu amapalisa yivunda yibaboyi na yivunda yibavayitsi bamapa o tsugu.

Esther 2:18

Kaga amalambisila mulambu uduyitsu duEsther; amamuenengila baneni na basalitsi bandi. Amavega basalitsi botsu yilumbu yimosi yiuvuma na amavega miensili nana kaga eveyingi.

Esther 3:7

Mu tsungi jitega ajinengulungu tsungi Nisan mu yilima yiyigumi na bibeji bikaga Xerxes, Haman amabuaga mbanda ajimanengulungu Pourim ujaba yilumbu na tsungi uvaga diandi. Mbanda jimagaanga tsungi jiyigumi na beji ajinengulungu tsungi Adar.

Osee 7:5

Va feta tsibakaga bogu basefu benuangingi malamu, malamu mebatsotsi uvosa mapopopu.

Luke 3:1

Muna yilima yidigumi nabiranu bidurumu dukaga Tibere, Ponce Pilate amaba yivunda yibulongu buJudee na Herode amaruma o Galilee na muana nguji andi Philippe amaruma o Ituree na mu bulongu bubaTrachonie na Lysanias amaruma o Abilene;

Bisalu 25:23

Festus amagabusilarie: Kabogu mugesa gumugulu. Ava kedi Agrippa na Berenice bamaruga na mugungi uneni; bamakota o mulebi va mosi na bivunda bibavagulitsi bapagu na bivunda bimusiengi. Festus amaruma yiri babeyi Paul.

1 Pierre 4:3

Dumaviosa puela temu na mambu majogu abageduki Nsambi, diwendi rie: bupumbi na dunyungi na malangi noviosulila uji nonu na bakosi.

Dulasu 11:10

Bisi butamba bolaba nsangu mu diambu didufu dubambeji babeji. Bosangila na bosakasana mu mbari babiyitsi abamalasa puela batu maguga bamafu.