Marc 4:41 - La Sainte Bible en Langue Yipunu

⁴¹ Bamagaangu na goma na bamawivusana rie: Munongu mutu yi avu? Nesi punga na mingiba bimudedili?

Marc 4:41 Iomraidhean Croise

Job 38:11

Nyimamutsingula rie: Gukamata te na vava, vo rie: Guyavioga o gusu. Nyiina, mibiji miagu miusikama vana.

Nyimbu 89:7

Anyi aguvu o julu oyibagunu na Fumu? Va gari bansambi, jimosi jibagunu nagu?

Malachie 2:5

Muna pangini ami nyimavangana ubavega monyu na duvotsu, nyimabarombisa ukitsa, bamandedila na bamateyimina.

Matthieu 14:32

Bamanangama o bota na punga jimavola.

Matthieu 8:27

Botsu bamakambulu puela, bamavosa joʼ beni na joʼ beni rie: Munongu mutu yi avu? Labatianu nesi punga na mingiba bimudedili!

Marc 4:40

Mbana Jesus amabawivula rie: Dibandu yi duilabili goma? Dibandu yi dugaa na yitu?

Marc 5:1

Kabogu bamasabuga yiliba yiGalilee o yiari yibisi Gerasenie.

Marc 5:33

Mugetu anojaba adimamuvagulu amakueka noregama; amagudama va gusu andi na amatubula motsu.

Marc 7:37

Botsu bamakambulu puela na bamavosa rie: Jandi evayi motsu mawelimina; egulusu ne madiba novosisa mababa.

Luke 4:36

Botsu bamakambulu puela na bamavosasana rie: Ka muna diambu di! Dibaala diedidi erumi binyunyi bibi na mangolu na bipali wandi.

Luke 8:25

Jesus amawivula badukitsi rie: Yitu yienu yika? Tumba bamakambulu na bamagaangu na goma, bamavosa joʼ beni najoʼ beni rie: Munongu mutu yi avu? Labatianu orungula uruma nesi punga nesi mingiba na bimudedili!

Hebreux 12:28

Tugabusilinganu diboti ombu Nsambi mu mbari tutsana o tsi durumu duandi adugovinsu, kabogu tumusalilianu na goma na duyitsu adina diumulasa ubueji.

Dulasu 15:4

Fumu, anyi agoguduma? Anyi obusa udodisa diina diagu? Ndeʼ pinsa guiruyili ombu Nsambi, malongu motsu mogudama va gusu agu noguyitsa, mu mbari mambu magu masungama mamalabana na botsu.

1 Samuel 12:24

Tumba jenu dumanu Fumu na musalilianu na usigama na murima umosi; labatianu munongu mangolu ama esalisi va gari enu.