Marc 4:39 - La Sainte Bible en Langue Yipunu

³⁹ Jesus anorambuga amaruma punga rie: Vola sui! Punga jimavola na duvotsu dumaba duneni.

Marc 4:39 Iomraidhean Croise

Job 38:11

Nyimamutsingula rie: Gukamata te na vava, vo rie: Guyavioga o gusu. Nyiina, mibiji miagu miusikama vana.

Nyimbu 107:29

Amavotsa mungudi na amagabusa duvotsu na mimbiji mimavola.

Nyimbu 148:8

Kaki na mfula jimamanyi na mfula jivema na mamungi, na muji bidugusu maruma mandi.

Nyimbu 29:10

Fumu amaba va yitsiga yiandi yibufumu va temu nyidu. Fumu orumanga mutubu.

Nyimbu 65:7

Nsambi, guiwarisi mikongu na mangolu magu guvu na tindi mangolu.

Nyimbu 89:9

Aa Fumu Nsambi mabadi, anyi avu na mangolu dedi nagu? Aa Fumu, ndeʼ guvu usigama temu tsiotsu.

Ukumuga 14:16

Ndeju bonga nguangu agu samba gogu agu o mubu, pasa mubu, mbana baIsrael bosunda mubu agumakamuga kala.

Ukumuga 14:22

baIsrael bamasunda mubu agumakamuga, mamba mamaba nderi bibaga yiari na yiari.

Banongu 8:29

nesi ava amakunsila mandilu mamubu yiri mamba magopumuga yiari na yiari, nesi ava amavayila yibuga yibutamba.

Jeremie 5:22

Fumu amawivula rie: Jenu dugonduma? Dugoteyimina? La menu agumavega mubu mandilu mayisieyi, mandilu ama ugolobuga; mibiji mifunduyi tumba migolobuga mandilu.

Mitatu 3:31

Fumu agaa va gari jogu abeliyili mutu nsima mutubu.

Nahoum 1:4

Esiembi mubu na egukamusi, ekamusi mijamba miotsu; Bachan na Cannel mimagumuga nderi mambura amagaa na mamba, kembu tsiLiban tsimanengana.

Matthieu 8:26

Jesus amabawagula rie: Dibandu yi duna goma? Ka yitu ugeyi yi! Jesus anosimbuga amasiemba punga na mingiba bimavola sui; duvotsu dumaba duneni.

Marc 4:38

Jesus amaba yilu o matina mabota. Badukitsi bamamurambusa na bamagamuga rie: Fumu, rambuga yika ufu tukafuanu!

Marc 9:25

Jesus anolaba batu uruga beruyi mambangu amanyangila yinyunyi yibi noyiruma rie: Ndeʼ yinyunyi yibubaba na madiba pala, guyamuemukotila.

Luke 4:35

Jesus amaruma yinyunyi yibi rie: Vola sui! Dunda dibaala diedidi! Yinyunyi yibi yimamuberusa va misu mogu, yinomudunda yisamamuemulasa maguga.

Luke 4:39

Jesus amakueka bebeli nandi na amaruma dibagu na bukanyi rie: Saguga; mugetu amabeluga. Vana vana amarambuga ubalambila.

Luke 8:24

Badukitsi bamawenda ombu Jesus na bamamurambusa rie: Fumu! Fumu! Yika ufu tukafuanu! Jesus anosimbuga amasiemba punga na mingiba na bimavola sui; duvotsu dumaba duneni.