Marc 4:12 - La Sainte Bible en Langue Yipunu

¹² Diwendi rie: Begengila yika ugengila tumba bagelabi, begulu yika ugulu tumba bagetsiyisi, mbe bobatsiyisa mbe bokalula diela na Nsambi mbe obatanda masumu mogu.

Marc 4:12 Iomraidhean Croise

Esaie 43:8

Bapalisi batu beni diuleba bana misu bavu bidunga, diuleba bana matuji bavu madiba.

Esaie 44:18

Batu beni bagejabi diambu. Bamatsimusu misu yiri bakelaba; bamatsiemusu matasa yiri baketsiyisa.

Jeremie 36:3

Ava baJuda bogululu mabi motsu ama nyitasi ubavaga tanguji bokalula diela mu diambu dibifu biogu bibi; mbana nyubatandila mabi mogu nesi masumu mogu.

Jeremie 5:21

Guluanu adidi! Jenu biduka na adugaa na dujabu. Jenu aduvu na misu tumba dugelabi, jenu aduvu na matuji tumba dugegulu.

Ezekiel 12:2

Ezekiel, ndeʼ guitsani va gari mukuta umimbini! Bavu na misu tumba bagelabi; bavu na matuji tumba bagegulu; bavu mukuta umimbini.

Marc 8:18

Duna misu! Dugelabi? Duna matuji! Dugegulu? Dugerangimini

Luke 8:10

Jesus amawagula rie: Dujabu dumambu maDurumu duNsambi dumaduvegu tumba ombu basusu dumavosu yika na banongu. Diwendi rie: Begengili yika ugengila tumba bagelabi, na begulu yika ugulu tumba bagetsiyisi.

Bisalu 3:19

Kabogu kalulanu diela na gabuganu ombu Fumu yiri masumu menu motandu.

Migaga Mimatubula 29:4

Nyimaduwendisa o kumu te na magumana mabilima; biduaru bienu bisamafu na bapondu benu wandi.

2 Timothee 2:25

ajabi ulonsa na pugu nesi batu abemuvini. Pa evayi nana tanguji Nsambi obavega ditasa ukalula diela nojaba ngensa.

Hebreux 6:6

Ne nana bamakonda uduka Nsambi! Kabogu bagomuerungula ukalula diela bemuegomina Muana Nsambi va kurusu na bemulasi yisonyi.