Marc 3:20 - La Sainte Bible en Langue Yipunu

²⁰ Mbana Jesus amagabuga o ndagu. Batu bapuela bamagukama vana te na Jesus na badukitsi bandi basamamuedila diweru uji.

Marc 3:20 Iomraidhean Croise

Marc 6:31

Batu bapuela bamaruganga ombu gogu te na basamamuedila ne diweru uji. Kabogu Jesus amavosa nogu rie: Tʼwendianu o kumu uleyevuma.

Luke 6:17

Banosunduga vana bamalesikama va yidesi agu bamarasuna badukitsi basusu na batu bapuela abamaruyila o yiari yiJudee na Jerusalem nesi o Tyr na Sidon.

Marc 9:28

Ava Jesus amakotila o ndagu, badukitsi bandi bamamubega o fundu umuwivula rie: Dibandu yi tugaarungulila upalisa yinyunyi yibi yieni?

Marc 7:17

Ava Jesus amaganina yinombu amakota o ndagu na badukitsi bandi bamamuwivula divindugulu dinongu eni.

Marc 3:9

Kabogu amavosa na badukitsi bandi rie: Tombilianu bota jigeyi yiri bagombandasana.

Marc 3:7

Jesus amagusuga nowenda o yiari yimubu na badukitsi bandi. Yinombu yimamuduka o Galilee no Judee

Marc 1:45

Tumba mutu eni amayenadisamunanga yiari na yiari te na Jesus asamamuerungula upala o musiengi ukelasa ombu batu. Amatsananga o kumu na batu abamaruyila yiari na yiari bamamurasuna.

Marc 2:1

Mua bilumbu binovioga Jesus amagabuga o Capernaum na botsu bamagulu yiri amaruga.

Marc 3:19

na Judas Iscariote jandi omafunda Jesus.