Marc 2:26 - La Sainte Bible en Langue Yipunu

²⁶ Amakota o Ndagu Nsambi na amaji mapa amamavagulu pagu ombu Nsambi. Dimalabana mu temu Abiatar amaba yivunda yibavagulitsi bapagu. Tsie jetu tugaa na mugaga aguiveyi yika bavagulitsi bapagu musuga umaji? Tumba David amamaji na amamavega ombu abandi.

Marc 2:26 Iomraidhean Croise

2 Samuel 15:24

Sadoc muvagulitsi upagu na bisi Levi botsu abamabeganga yigara yipangini yiNsambi bamaba nogu. Bamasunsa yigara yipangini na Abiatar muvagulitsi upagu amavagula pagu tsiunyensa te na batu botsu bamasuka upala.

2 Samuel 15:29

Kabogu Sadoc na Abiatar bamagabusila yigara yipangini o Jerusalem na bamayetsana guna.

2 Samuel 15:35

Bavagulitsi bapagu, Sadoc na Abiatar bagoba nagu vana? Motsu ama gugulu o ndagu kaga gubatsingula.

2 Samuel 20:25

Cheva amaba musonitsi; Sadoc na Abiatar bamaba bavagulitsi bapagu;

2 Samuel 8:17

Sadoc muana dibaala uAhitoub na Ahimelek baana bababaala baAbiatar bamaba bavagulitsi bapagu; Seraya amaba musonitsi;

1 Bakaga 1:7

Amamoga na Joab yivunda yibagora agumaba muana dibaala uSerouia na Abiatar, muvagulitsi upagu; jogu bamawarisa kingu jiAdonia.

1 Bakaga 2:22

Kaga Salomon amawivula nguji andi rie: Diambu yi? Dibandu yi guivondili Abichag muisi Chounem uba mugatsi uAdonia? Muvondili bufumu, jandi avu yivunda yiami! Abiatar muvagulitsi upagu na Joab muana dibaala uTseruja bagaa nandi wandi?

1 Bakaga 4:4

Benaya muana dibaala uYoyada amarumanga bagora; Sadoc na Abiatar bamaba bavagulitsi bapagu;

1 Misamu 24:6

Chemaya muana dibaala uNetaneel muisi Levi amaba musonitsi agumabasona va gusu kaga na baana bakaga na va gusu bavagulitsi bapagu Sadoc na Ahimelek muana dibaala uAbiatar na va gusu basefu bamikuta mibataji bogu na bavagulitsi bapagu na bisi Levi. Bamabuaga mbanda o yifumba yiElazar na jisusu o yifumba yiltamar.

Matthieu 12:4

Amakota o Ndagu Nsambi na amabonga mapa amamavagulu ombu Nsambi diuleba asamaba na musuga, amamaji na amamavega ombu bambatsi bandi. Tsie jetu tugaa na mugaga aguivosi yika bavagulitsi bapagu bana musuga umaji?

Marc 2:25

Jesus amabagabusila rie: Mbe dusakaranga adi David amavaga ava amagululu nsala, jogu na badukitsi bandi?

1 Samuel 21:1

David amawenda o Nob ombu muvagulitsi upagu Ahimelek; amawenda mbangu noregama ubengusana David. Amamuwivula rie: Dibandu yi guvu pinsa? Vagaa mutu oyilingi nagu?

1 Samuel 23:6

Ava Abiatar muana dibaala uAhimelek amarinina ombu David o Queila amawenda na bima biogu biyingitsi umoyila na Fumu.

1 Samuel 23:9

David amajaba ditasa dikulini adi Saul amamutasila, amatsingula Abiatar muvagulitsi upagu rie: Bega yilinga yiyijungi yibuvagulitsi bupagu!