Marc 2:22 - La Sainte Bible en Langue Yipunu

²² Na mutu agewitili malamu mamienga mu mambuta mamikata magulu. Pa evayi nana malamu mamienga mbe mopansa mambuta na malamu na mambuta mbe motsiemuga. Nyiina, mambuta mamikata magona mavu mawelimina na malamu mamienga.

Marc 2:22 Iomraidhean Croise

Job 32:19

Nyiina, murima ami guifutsi nderi malamu amamadibugu amorubisa yivagulu ayi mavu.

Nyimbu 119:80

Nyiyaba na mabeʼ mabeji mu maruma magu yiri ngolasu yisonyi!

Nyimbu 119:83

Nyivu nderi mua mukata agumabuagu va yitala; ne nana ngelibini duganu duagu.

Matthieu 9:17

Na mutu agewitili malamu mamienga mu mambuta mamikata magulu. Pa evayi nana mbe mopansa mambuta mamikata na malamu mopumuga. Tumba owitila malamu mamienga mu mambuta mamikata magona yiri malamu na mambuta magobungana.

Marc 2:21

Mutu agepasi tsanda jigona ulonda yikutu yigulu. Pa evayi nana yirendi yigona yigesoyini na yikutu yigulu na diluta diuviolila uroga.

Marc 2:23

Yilumbu yitsona Jesus na badukitsi bandi bamavioga mu nungi tsiputu. Badukitsi bandi bamayenadokulanga putu.

Josue 9:13

Mambuta memama mamalamu mamaba magona ava tumamabasila na labatianu mamapapasiga; biduaru bietu na bapondu betu bimatufuila muna nsila.

Josue 9:4

bamasoga diela na bamasogama na biguji bimuendu. Bamabonga saku tsigulu tsibaburu bogu na mambuta magulu mamikata mamalamu amamapasiga na mamalondu;