Marc 2:20 - La Sainte Bible en Langue Yipunu

²⁰ Diweru diuruga adi yiwela-mugetu obapatulu mbana borungula ubusa uji.

Marc 2:20 Iomraidhean Croise

Nyimbu 45:11

Legulati mugatsi kaga, gengila noliyila dituji; libana batu bagu nesi ndagu taji agu.

Duimbu Adutviolili Nyimbu 3:11

Banumba baSion, palanu nogengila kaga Salomon eduari dugaba dudiwela adu nguji andi amamuduisa, yilumbu ayi amalabila tindi nsangu.

Esaie 54:5

Agumagusunda avu mulumi agu! Diina diandi divu Fumu Mabadi; Mugobutsi agu avu Nsambi Israel! Bemunengili Nsambi jibulongu buotsu.

Esaie 62:5

Nana mufudu efubinini na tsiemi anana jandi agumuegurungulila obila mulumi agu; nana mugatsi elasili mulumi andi nsangu anana ndeʼ gulasila Nsambi agu nsangu.

Zacharie 13:7

Fumu Mabadi evosi rie: Dijenga, retsama, toga na mubungulitsi nesi na dibaala adivu mbatsi ami! Boka mubungulitsi yiri bindombu biupansiga! Nyuwamusa abideda.

Matthieu 26:31

Jesus amatsingula badukitsi bandi rie: Na mukolu egugu jenu botsu dutina mu mbari Bisonu bisonugu rie: Nyuboka mubungulitsi bindombu na bindombu biupansiga yiari na yiari.

Matthieu 9:15

Jesus amabagabusila rie: Bambatsi bayiwela-mugetu borungula ubusa uji ava yiwela-mugetu akivu nogu? Tsatsabi! Diweru diuruga adi yiwela-mugetu obapatulu mbana bobusa uji.

Marc 2:19

Jesus amabagabusila rie: Bambatsi bayiwela-mugetu borungula ubusa uji ava yiwela-mugetu aki nogu? Tsatsabi! Ava yiwela-mugetu aki nogu bagorungula ubusa uji.

Marc 2:21

Mutu agepasi tsanda jigona ulonda yikutu yigulu. Pa evayi nana yirendi yigona yigesoyini na yikutu yigulu na diluta diuviolila uroga.

Luke 17:22

Jesus amatsingula badukitsi rie: O gusu dugulu nsala ulaba temu jiMuana Mutu tumba dugomuejilaba.

Luke 5:35

Diweru diuruga adi yiwela-mugetu obapatulu mbana bobusa uji.

Jean 12:8

Bijaga bigowenda mbura tumba menu yika uweʼ nyiwendi.

Jean 13:33

Baana bami bageyi nyikivu nenu mua temu. O gusu dutomba. Nyidutsinguli namunyi nana nyimaletsingulila baJuif rie: Jenu dugorungula utola o nyiwendi.

Jean 16:28

Nyimapalila ombu Tata, uruga gunu; namunyi yika ugabuga nyigabuyi ombu Tata.

Jean 16:7

Tumba nyidutsinguli ngensa rie: Diviolila ubueji yiri nyiwendi mu mbari pa ngowenda Muwamusi agoruga tumba pa nyiwendi nyumusindiga ombu genu.

Jean 17:11

Nyimagusuga; jogu bosiala. Namapapa uruga nyiruyi ombu gagu. O Tata ami, mu diina diagu dimangolu kelisa jogu aba gumapega yiri jogu boba murima mosi nana jetu nagu.

Jean 17:13

Namunyi uruga nyiruyi ombu gagu; ava nyikivu nogu uvosa nyivosi yiri bolaba nsangu ami, nsangu ajivu jidugu.

Jean 3:29

Jandi odila mugetu la yiwela-mugetu tumba mbatsi yiwela-mugetu ojivu vana na oyimukelisi elabi nsangu jineni ava egululu diufi diyiwela-mugetu. Nsangu eni jivu ajiami wandi na jivu jidugu.

Bisalu 1:9

Jesus anomana uvosa nana ava bamamugengililanga amamatusu o julu na dimungi dimamutsiemusa va misu mogu.

Bisalu 14:23

Mu mabundu motsu bamabasolila bivunda; bamabusa uji ukevega o dusambu, mbana bamabasulasana ombu Fumu agu bamavayila yitu.

Bisalu 3:21

Dingensa vengu oletsana o julu te na bima biotsu biukaluga nana Nsambi amavosila kala na babiyitsi bandi.

1 Corinthiens 7:5

Duyabusasana; vo pa dudivayi tanguji yika mua temu aji dumavangana yiri durungula ukevega o dusambu. Mbana muesingasananu yiri dugomangu na Satan.

2 Corinthiens 11:2

Nana Nsambi jaʼ beni ana diwavi menu wami nyiduwavi, jenu duvu nderi tsiemi aji nyimavangana uwetsa na dibaala, diwendi rie: Christ.

2 Corinthiens 11:27

Nyimasalanga na mangolu temu na temu nyisamamuedilanga ne yilu; temu tsipuela nyimagulu nsala na puila; temu tsisusu nyimakambulu udila biguji na nyimaba yilayilayi na nyimalinganga penyi.

2 Corinthiens 6:5

Tumakumbu na tumadimbu na tumakotusu o tsugu; tumatsoga na bisalu te na tumabunsa uji nesi uwenda bilu.

Dulasu 19:7

Tulabianu ubueji na nsangu jineni na tumuyitsianu! Mu mbari diweru didiwela diMuana Yindombu dimatola; mugatsi andi aji akunsama.

Dulasu 21:9

Mbana yiansa yimosi ayimaba va gari yisambuali abimaba na yisambuali yikopa tsibasana yisambuali yibidungu biusita yimatasuna na yimavosa nami rie: Rugati nyugulasa mugatsi uMuana Yindombu.