Marc 16:15 - La Sainte Bible en Langue Yipunu

¹⁵ Mbana amabatsingula rie: Wendanu o bulongu buotsu na samunanu Musamu Uboti ombu batu botsu.

Marc 16:15 Iomraidhean Croise

Matthieu 28:19

Wendanu o bulongu buotsu na funisanu badukitsi bami na babatisianu mu diina diTaji na diMuana na diYinyunyi yiNsambi

Marc 13:10

Musamu Uboti ulesamunu ombu batu botsu.

Bisalu 1:8

Ava Yinyunyi yiNsambi osunduyila ombu genu dudila mangolu na duba bambeji bami o Jerusalem te no Judee jiotsu te no Samarie nesi te no malongu motsu.

Nyimbu 96:3

Wimbilanganu bundumba buandi ombu batu botsu, Vosanganu maboti mandi ombu batu botsu!

1 Jean 4:14

Jetu tumamulaba na tuisingisili bumbeji rie: Tata amasindiga Muana andi ugobula batu botsu.

Jean 15:16

Tsiri jenu adumansola tumba menu nyimadusola. Nyimadusindiga ufunanga. Diwendi rie: Ama duwivula Tata mu diina diami oduvega.

Jean 20:21

Jesus amamuebatsingula rie: Sunsanu mirima. Nana Taji amansindiyila, menu wami nyidusindiyi.

Colossiens 1:23

Waranu na duyapupusu tumba rangiminanu ditasa adi dumagulu ava dumalegululu Musamu Uboti. Menu Paul nyiji musalitsi uMusamu Uboti agumasamunu ombu botsu mu malongu motsu.

Romains 16:26

Va temu ejiji mamalasu ava maruma maNsambi mamavegulu ombu botsu. Diwendi rie: ma-malasu namunyi yiri batu bomavayila yitu na yiri bomadedila.

Romains 10:18

Nyiwivuli rie: Divu dingensa yiri ba-samagulu malongi? Bamamagulu. Bisonu bi-sonugu rie: Mufi mogu mamanyava mu bulongu buotsu, na mbembu tsiogu te na masuka mabulongu.

Nyimbu 22:27

Abamakambulu bajangingi te na bamagukurungu! Aberombi Fumu bamuyitsi. Batsaningi sui mutubu.

Esaie 45:22

Jenu botsu aduvu o masuka mabutamba, gabuganu ombu gami mbana dugobulu! Menu nyivu Nsambi na vagaa ususu.

Dulasu 14:6

Mbana nyimalaba yiansa yisusu ayimapurumuganga o julu, yimasamunanga Musamu Uboti ombu botsu, diwendi rie: bifumba biotsu na binombu biotsu na mambembu motsu na malongu motsu.

Colossiens 1:6

Musamu Uboti umaduvega na uinyavingi o malongu motsu. Uonyi ufunanga mu mbura tsiotsu nana umafuninanga va gari enu ubongila va yilumbu ayi dumalegululu diambu dimaboti maNsambi.

Ephesiens 2:17

Jandi amaruga usamuna Musamu Uboti na duvotsu ombu botsu: ombu jenu aduvu vala nandi, diwendi rie: abagaa baJuif nombu baJuif abamabambana nandi.

Esaie 49:6

Amakwivula rie: Divu diambu digeyi yiri guba yika musalitsi ami ugukiga bifumba biJacob nesi bansialutsu baIsrael? Nyimagusola uba yijalala yibisi malongu, ubega dugobutsu duami te no masuka mabulongu.

Nyimbu 98:3

Erangumunu na maboti mandi na usigama uandi ombu baIsrael. Te no masuka motsu mabulongu bamalaba yiri Nsambi etu amatugobula.

Esaie 52:10

Fumu amalasa mangolu mandi na bunsambi buandi ombu bisi malongu motsu. Bisi masuka motsu mamalongu bolaba dugobutsu duNsambi etu!

Bisalu 1:2

te na yilumbu ayi amamatusulu. Muna yilumbu yieni na mangolu maYinyunyi yiNsambi amavega bisalu ombu bilumbi abi amasola.