Marc 13:7 - La Sainte Bible en Langue Yipunu

⁷ Duyalaba keri ava dugululu makumbula madivita amavu yiari na yiari; vengu mambu meni moleba. Tumba disukusulu dibulongu digoba mu temu eni.

Marc 13:7 Iomraidhean Croise

2 Samuel 14:14

Dingensa jetu botsu tufu na tubagunu nderi mamba amamapumuga va tsi na amamakota mutubu mu butamba. Nsambi ekipi batu na agaa na nsala ugukiga abamabingu?

Nyimbu 112:7

Agedumi misamu mibi; murima andi uvu sikiri, amakevega ombu Fumu.

Nyimbu 27:3

Ne pa bagora boromba utoga nami, ngolaba goma, via! Ne pa nyutoga divita, ngotsiemusa yitu.

Banongu 3:25

Guyaba na murima o julu nesi goma jimasundila nesi pa batu babi bogutumuna.

Esaie 8:12

Guyanengila diotsu adi batu bebaba benengili fundu, fundu; guyaduma adi jogu bedumi na guyalaba goma.

Jeremie 51:46

Duyalaba keri na duyalaba goma mu diambu dinduku ajiunyava mu bulongu; yilima yieyiyi kumfu jiuba jineni, yilima ayiduki yiuba na kumfu jisusu na dikasi diuruma bulongu, murUmitsi otoga na murumitsi ususu.

Matthieu 18:7

Mbangulu tsivu; tumba ka muna maguga ma jandi olaba oyimangingi batu!

Matthieu 2:3

Kaga Herode anodigulu amakambulu nabisi Jerusalem botsu wandi.

Marc 13:6

Bapuela boruga na diina diami novosa rie: Nyiji Christ! Bodunsa batu bapuela.

Marc 13:8

Bisi dilongu dimosi botoga na bisi dilongu disusu na bakaga botoga na bakaga basusu; voba masisana mabutamba mu biari biotsu na voba dungosu dunsala. Dionyi diuba yika dibandu dimaguga.

Jean 14:1

Jesus amavosa rie: Duyalaba keri. Vayilanu Nsambi yitu na payilianu yitu wandi.

Jean 14:27

Nyiduganini, sunsanu mirima. Ngeduganini nana bisi bulongu beganinini. Duyalaba keri vo goma.

Bisalu 17:3

Amabavindiyila Bisonu na amabalonsa nana Christ amalabila maguga na nana amarambuyila o dufu. Jandi rie: Guluanu, Jesus aji nyidujabisi la Christ eni.