Marc 13:19 - La Sainte Bible en Langue Yipunu

¹⁹ Mu temu eni maguga moba maneni. Ubongila va diweru adi Nsambi amasundila biotsu te na namunyi maguga mamunongu eni mbe masakalabana; o gusu vagoba masusu mamunongu eni, via!

Marc 13:19 Iomraidhean Croise

Mitatu 1:12

Ruganu jenu botsu aduivioyi vava! Letasatianu pa vavu munyongu dedi mosi na agu nyilabingi. Menu agu Fumu amakilisa mu yilumbu yikabu andi jineni.

Mitatu 2:13

Jerusalem, diambu yi nyuvosa nagu? Na nyi nyugubagusunu? Dubembugu dumunongu yi nyugubembiga? Dubungu duagu duvu duneni dedi mosi nana mubu uvu uneni. Anyi orungula ugubelusa?

Mitatu 4:6

Mbela jimuana mugetu ubatu bami jivu jineni ne jiviolila jiSodome agumasundila ubungana.

Daniel 12:1

Yiansa yimansingula rie: Va temu eni Michel yivunda yibiansa na muwamusi ubatu bagu olabana. Temu eni jiuba temu jimaguga amasakalabana na kala ubanda vana dibandu dimalongu te na namunyi. Va temu eni batu bagu abamasonu mu dibuku bogobulu.

Daniel 9:12

Tumadugusu mambu ama gumatuvosila, jetu na basefu betu abamaturumanga, gumatulasa maguga maneni, vasakalabana maguga mamunongu eni amamalabana o Jerusalem va butamba buotsu.

Daniel 9:26

Magumasiamunu na tsona beji tsinovioga Yibiatsi oboku na agoba na yivinga. Mbana sefu oruga na dibadi diandi, boyipansa musiengi na Mbura Nsambi. Disukusulu diandi diulabana, Nsambi omulasa kabu andi tumba te na temu eni voba mavita na mbungu nana bimatabululu kala.

Joel 2:2

Yilumbu yipisama, yilumbu yimamungi na mamungi, uruga yiruyi nderi mavuvungi ukibiga mikongu. Labanu dibadi dimakokoku adivu na mangolu adisakalabana na kala na o gusu digomueba dimunongu eni.

Matthieu 24:21

Mu temu eni maguga moba maneni amasakalabana na kala ubongila va diweru adi Nsambi amasundila motsu te na namunyi, na o gusu vagoba masusu mamunongu eni, via!

Marc 10:6

Va dibandu ava Nsambi amasundila biotsu, dimasonugu rie: Nsambi amabasunda dibaala na mugetu.

Marc 13:18

Sambilanu yiri mambu meni magodurasuna ava yitsubi!

Marc 13:20

Mbe Fumu asamatabula diambu ugufisa bilumbu bieni mbe mutu ne umosi agogobulu; tumba amabigufisa mu diambu dijogu aba amasola.

Migaga Mimatubula 28:59

Pa dugovaga motsu mana Fumu odudimbisa jenu na bategula benu na odunamusu mapura maranga nodubokisanga na maali maranga na mayibenda.

Migaga Mimatubula 4:32

Rangiminanu temu tsikala nesi yilumbu ayi Nsambi amasundila dibaala va butamba. Je ubandila o kodu mosi jijulu te na kodu jisusu vamalelabana diambu nana didi?

Dulasu 7:14

Nyimamugabusila rie: Ngejabi, ndeʼ guidijabi. Amansingula rie: Tsiri jogu abamawarila mukilu uneni? Jogu abamasusa bilinga biogu na bamabivemisa na malungu maMuana Yindombu.