Marc 10:24 - La Sainte Bible en Langue Yipunu

²⁴ Badukitsi bandi bamakambulu mu adi amavosa tumba ne nana Jesus amabuela rie: Baana bami, divu divura ombu yisina ujaba Durumu duNsambi.

Marc 10:24 Iomraidhean Croise

Nyimbu 17:14

Dijenga diagu dibagandisi; ndeʼ beni baboki, batu babi batemu ejiji abesangili yika mambu mabutamba aba guigukurusu va mosi na baana bogu nesi bategula bogu bedili abisialuhi.

Nyimbu 52:7

La dibandu Nsambi ogubungila mutubu; ogugaanga nogupalisa o ndagu agu; nogugusula va gari abavu monyu. Letasatianu

Nyimbu 62:10

Nyiina, batu bagaa na tsongu; mindumbu bavu bafuritsi! Ne pa bomata botsu mu mudodu bavu viagaa nderi mikondu.

Banongu 11:28

Jandi oyikevega uduka busina buandi oberuga tumba batu basungama boba nderi miri amivinsingi magaji.

Banongu 18:11

Busina buyisina buvu nderi musiengi andi ukandu, mu matasa mandi buvu nderi yibaga yisakama.

Banongu 23:5

Ndeʼ guirondi ugengilanga abigotamba notsiemuga? Mu mbari busina buvu na mapapi na upurumuga buipurumuyi nderi mbira.

Jeremie 9:23

Tumba oyirondi ukedodisa akedodisa mu mbari amajaba mambu mami na amanjaba na amajaba yiri menu nyivu Fumu oyiveyingi maboti na musuga na dusungugu va butamba. Fumu amavosa rie: Batu bamunongu eni bendasi ubueji.

Habacuc 2:9

Ka muna maguga ma ombu jandi oyigukiyili batu bandi busina bubi nesi oyirungi ndagu jisakama yiri batu babi bagomudala!

Sophonie 1:18

Lora tsiogu tsivema na lora tsiogu bigorungula ubawaka kalala mu yilumbu yikabu jiFumu. Butamba buotsu busielusunu na muji udiwavi diandi. Osundila ubunga batu botsu.

Matthieu 19:25

Badukitsi banodigulu bamakambulu viri na bamawivula rie: Kabogu anyi orungula ugobulu.

Marc 1:27

Botsu bamakambulu puela na bamawivusana rie: Diambu yi? Malongi magona vo yi? Jandi ana mangolu uruma binyunyi bibi na bimudedili?

Marc 10:23

Jesus amageluga na amatsingula badukitsi bandi rie: Divu divura ombu yisina ujaba Durumu duNsambi!

Luke 16:14

Ava baJuif abamaba baPharisie bamagululu mambu meni motsu bamakema Jesus mu mbari bamaronda mbongu.

Jean 13:33

Baana bami bageyi nyikivu nenu mua temu. O gusu dutomba. Nyidutsinguli namunyi nana nyimaletsingulila baJuif rie: Jenu dugorungula utola o nyiwendi.

Jean 21:5

Jesus amabawivula rie: Dusakadila? Bamamugabusila rie: Nyiina.

Jean 6:60

Badukitsi bandi bapuela banogulu mambu meni bamawivula rie: Anyi orungula ukelisa mambu meni mavura?

Galates 4:19

Baana bami badurondu ka muna maguga ma nyilabi! Nana mugetu avu mu maguga ava egululu misongu, menu wami nyiji mu maguga mamunongu eni mu diambu dienu na nyumagulungu te na vana dubagunu na Christ.

1 Timothee 6:17

Lonsa bisina bitemu ejiji yiri bayaba na dunangu na ditasa diogu diyaba mu busina abuinyambini tumba bavayili Nsambi yitu, jandi oyituveyi bima biotsu ne uviosulila.

1 Jean 2:1

Raana bageyi nyidusonini mambu memama yiri dugomuevaga masumu. Pa mutu va gari etu amavaga masumu tuna yivovi la Jesus Christ aguvu usungama utuvosila ombu Tata.

1 Jean 4:4

Tumba jenu duvu baana baNsambi na dumabelisa babiyitsi bamfurulu: Yinyunyi yiNsambi aguvu nenu avu na mangolu uviolila ayivu na jogu abavu bisi bulongu.

1 Jean 5:21

Baana bami, rinanu miyitsa amigaa na tsongu!

Dulasu 3:17

Duivosi rie: Nyiji yisina; nyimadila motsu mawelimina, diwendi rie: Ngegambu na yima. Tumba dugejabi nana duvu! Duji bijaga, diyi penyi na duji bidunga.