Marc 1:20 - La Sainte Bible en Langue Yipunu

²⁰ Yiotsu ayi Jesus amabalabila amabanengila; kabogu bamasila taji ogu Zebedee na basalitsi mu bota na bamaduka Jesus.

Marc 1:20 Iomraidhean Croise

1 Bakaga 19:20

Elisee amasila bangombi bandi na amaduka Elie mbangu na amamutsingula rie: Nsingisi uleyeganina taji ami na nguji ami mbana nyuguduka. Elie amamuruma rie: Gabuga o yisalu yiagu. Nyimaguwivula yima?

Matthieu 10:37

Jandi oyirondi taji na nguji andi uviolila menu agaa uwelimina uba uami na jandi oyirondi muana andi dibaala vo mugetu uviolila menu agaa uwelimina uba uami.

Marc 1:19

Anowenda mua vala o gusu agu amalaba Jacques muana Zebedee na muana nguji andi Jean, abamatsana mu bota uyenalondanga mbusa tsiogu.

Marc 1:21

Jesus na badukitsi bandi bamawenda o Capernaum. Yilumbu yitsona Jesus amakota o Ndagu Nsambi na amabanda ulonsa.

Marc 10:29

Jesus amagabusila rie: Ngensa nyidutsinguli rie: Ojivu na murima ubusa ndagu andi nesi baana banguji bandi nesi nguji andi nesi taji andi nesi baana bandi nesi manungi mandi mu diambu diami na diMusamu Uboti okelusu ne uviolila;

Luke 14:26

Oyirondi uba mudukitsi ami alevina taji andi na nguji andi nesi mugatsi andi nesi baana bandi nesi baana banguji bandi na vengu okevina wandi.

Luke 5:11

Banobega bota tsiogu va dibungu bamasila biotsu na bamaduka Jesus.

2 Corinthiens 5:16

Kabogu jetu tugomuegengila batu nana bisi butamba bebagengilili. Ne pa kala tumagengila Christ na misu metu namunyi disaa nana.

Migaga Mimatubula 33:9

Bisi Levi bamaguronda tindi uronda uviolila bataji na banguji bogu, nesi baana banguji bogu nesi baana bogu la dibandu bamadedila diruma diagu; anana bamalasila duyitsu du pangini agu.