Luke 7:12 - La Sainte Bible en Langue Yipunu

¹² Banotola bebeli na dikotulu dimusiengi, bamabenguna na batu abamabeganga mfumbi. Agumafu amaba muana divingu umukuili. Bisi musiengi bapuela bamamukelisa.

Punu NT

¹² Banotole va dikotulu di musyengi eni, bakebengunu na batu bamawendaange oyetswighe mvumbi, mwane divingu wu mukwili. Yinombu yineni yi musyengi eni yimabe nandi.

Luke 7:12 Iomraidhean Croise

Dibandu 22:12

Yiansa yiFumu amavosa rie: Ledundati! Guyavayila muana agu diambu; dingensa nyimajaba guidumi Nsambi na gugaakwimina muana agu udibaala nesi divingu diagu.

Dibandu 22:2

Nsambi amavosa rie: Bonga Isaac muana agu udibaala, muana agu divingu, muana agu guirondi puela; wenda o bulongu buMoria, aguna gumuvagulila pagu jiunyensa va julu mukongu agu nyugulonsa.

2 Samuel 14:7

Va julu vana mukuta ami uotsu bamanyoyila na bamatuma rie: Tuveyi agumadimba muana nguji andi. Tuirondi umubokisa umugabusila pila jimuana nguji andi agu amaboka, diuleba avu mubialitsi disiala, tumuboka! Pa bedivayi ngosiala na mutu, diina dimulumi ami diutsiemuga mutubu.

1 Bakaga 17:12

Mukuili amawaka rie: Fumu Nsambi agu, jaʼ beni ejabi! Ngaa na yima yilambu, nyina yika mua pesu fufu mu saku na mua pesu matsi mu tsuva. Laba nyiboli bibuku bibeji bimikansu mbana nyukota uyelamba; jetu na muana ami udibaala tuji va julu vana yika ufu tufu.

1 Bakaga 17:18

Nguji muana amawivula Elie rie: Mubiyitsi Nsambi, diambu yi divu va gari jetu nagu? Gumaruga ombu gami uyitangimisa mabi mami noyibokisa muana ami?

1 Bakaga 17:23

Elie amabonga muana amamusundusa o ndagu na amamugabusa ombu nguji andi. Elie amavosa rie: Laba, muana agu aji monyu.

1 Bakaga 17:9

Relama, weʼ o Sarepta aguvu o Sidon, yetsana guna. Nyimaruma mugetu aguvu mukuili ugubungulanga.

2 Bakaga 4:16

Elisee amamutsingula rie: Yilima ayiuruga va temu ejiji, gubura muana dibaala. Mugetu amawaka rie: Viaga! Ndeʼ aguvu mubiyitsi, guyafura!

2 Bakaga 4:20

Musalitsi amamunangula na amayenamubega ombu nguji andi. Muana amaba va tulu nguji andi te na muangulu; mbana amafu.

Job 29:13

Abamaba ulabilila va murima bamakabila miula, nyimawamusa bakuili bapuela.

Zacharie 12:10

Mbana nyuwitilila bategula baDavid na bisi Jerusalem Yinyunyi ayiubarombisa uba na murima uvaganga maboti nesi usambilanga. Mbana bokengila, menu agu bamatoba. Bondila ava botangiminanga nana belilili muana divingu, bondila nana belili muana dibaala utsomi.

Luke 7:11

Ava kedi Jesus amawenda o musiengi aguinengulu Nain; badukitsi bandi na batu bapuela bamawenda nandi.

Luke 7:13

Fumu anomulaba amagaangu na yingeba na amavosa na mugetu rie: Guyamuelila!

Luke 8:42

nyina bumuana umugetu aguvu digumi na bilima bibeji, yika ufu efu. Banosogama batu bamabandasana Jesus.

Luke 8:52

Botsu bamalila na bamayenakebuaganga mu diambu dimuana. Mbana Jesus amavosa rie: Dundanu ulila, muana asakafu tumba amalengula mua yilu.

Jean 11:19

baJuif bapuela bamawenda ombu Marthe na Marie uyelila muana nguji ogu.

Bisalu 9:39

Pierre amawenda nogu. Ava amatolila bamamubega o ndagu ajimaba mfumbi. Bakuili botsu bamamutsiengila nolila na bamamulasa bijungi na biduaru abi Dorcas amabarariyilanga.

Bisalu 9:41

Pierre amamusamba dikaka na amamureliga. Mbana amanengila bisi dibundu na bakuili na amabalasa yiri Tabitha aji monyu.

Jacques 1:27

Pa mutu erondi muyitsa ungensa agu Tata Nsambi esingi alingulingi bisiana na bakuili ava bavu mu maguga na akekelisa yiri agofuama nsoruru tsibulongu.