Luke 4:18 - La Sainte Bible en Langue Yipunu

¹⁸ Yinyunyi yiFumu avu nami, amambiatsa usamuna Musamu Uboti ombu abamakambulu. Amansindiga utubula dujegusu ombu bakoli na dulabu ombu bidunga.

Punu NT

¹⁸ «Yinyuni yi Fumu yidji mu menu, yimambyatse mu ughabe musamu wuboti ombu bidjaghe. Amanzindighe muyebeluse abango manyoni mu mirime, mu yésamune dudjeghusu ombu bise tsughu, mu ubeluse bidunge na mu udjeyise djowu abekwanu.

Luke 4:18 Iomraidhean Croise

Dibandu 3:15

Nyuvaga yikenganyi va gari jenu na mugetu na va gari bategula bagu na bategula bandi: jogu bodudimbanga va miuru na jenu dubagakanga va bisonginyi.

2 Misamu 34:27

Gumagulu na buranga adi nyimavosa mu diambu diJerusalem na batu abetsani muna: mukilu ogu uba uneni te na diina diogu diusalusu uwarisa mulogu. Gumakalula diela, gumasinga mbela agu te na gumapasa biduaru biagu na gumalila. Meʼ wami nyimagugulu, nyisingi amagu.

Nyimbu 102:20

Ava Fumu avu o julu edokimini va tsi. Va Mbura andi elabi bisi butamba,

Nyimbu 147:3

Ubembiga ebembiyi jogu abavu na munyongu na ebuyi mapura mogu.

Nyimbu 2:2

Dibandu yi bakaga babutamba bavu bakunsama utoga divita? Dibandu yi jogu na barumitsi bavu na kueru na Fumu nesi kaga aji amasola?

Nyimbu 2:6

O Sion aguvu mukongu ami uyingitsi nyimabiatsa kaga aji nyimasola.

Nyimbu 34:18

Ava batu basungama begamuyili, Fumu ebagulu, ebawaki kalala mu purulu tsiogu tsiotsu.

Nyimbu 45:7

Aa Nsambi, yitsiga yiagu yibufiunu yiuba mutubu; guirumi bufumu buagu na dusungugu.

Nyimbu 51:17

Fumu dibula munu ami; nyusamunanga duyitsu duagu.

Esaie 32:3

Misu mogu magomueba na bundunga, matuji mogu moba limba.

Esaie 35:5

Mbana bidunga biulaba na madiba mogulu;

Esaie 42:7

yiri gutiemusanga bidunga, nopalisanga bakoli o buviga, nopalisanga bisi tsugu abetsani o pisama.

Esaie 45:13

Fumu Mabadi amavosa rie: Na dusungugu duami nyimareliga Cyrus, nyusiepula mansila mandi motsu; jandi orungulila musiengi ami Jerusalem na ojeyisa bakoli bami, agowivula nesi nyobu nesi milendu.

Esaie 49:9

Nyivosi na bakoli abavu o pisama rie: Palanu, kelasanu! Bodilanga biguji mu mansila nesi mu bikundubuga biotsu.

Esaie 50:4

Fumu Nsambi amandonsa posulu tsiwelimina yiri nyujaba uwarisa jandi agumatogulu. Etambusi kedi tsiotsu, etambusi ugulu nana mudukitsi egululu!

Esaie 57:15

Nsambi aguvu uneni agu nsanunu jibangingi mutubu aguvu na diina diNsambi, evosi rie: Nyitsani o julu o mbura jiyingitsi tumba nyivu na batu abamakambulu na abamakesunsa wandi; diwendi rie: nyuwamusa abamakambulu na nyuwamusa abamakesunsa wandi.

Esaie 59:21

Fumu amabuesa rie: Guluanu pangini ami aji nyivangini nenu; ubanda namunyi te na mutubu: Yinyunyi yiami otsana nenu na bulumbi buami bubanganga nenu te na mutubu. Bugodupatulu nesi jenu nesi baana benu nesi bategula benu. Menu oyidivosi.

Esaie 61:1

Yinyunyi yiFumu aguvu Fumu avu nami, mu mbari Fumu amambiatsa usamuna Musamu Uboti ombu jogu abamakambulu; amansindiga ubembiga abavu na mirima mibuliga, notubula dujegusu ombu bakoli, nowaka baviga kalala;

Esaie 66:2

Fumu amavosa rie: Meʼ beni nyimasala bima bieni biotsu, biotsu abilabini bivu biami. Jandi aguindasi ubueji: aguvu divolambombu aguvu na murima ubuliga na aguireyimini mambu mami.

Ezekiel 9:4

Fumu amamutsingula rie: Vioga o gari Jerusalem, gukanamiga batu bilimba mu bambami bogu; botsu abetsukimi na abebimi mu diambu dinsoruru tsiotsu atsivagungu guna.

Daniel 9:24

Mu diambu dibatu bagu na dimusiengi uNsambi, magumidusambuali matsona mamatabulu, batsona beni banosuka bumbini busuka wandi; masumu motsindulu na mabi moliomusu; dusungugu dumutubu dulabana; yiriariamu na mbigulu biudugusu na Ndagu Nsambi jiumueliomusu nana na kala.

Sophonie 3:12

Nyugusila dikabu dibageyi na divolambombu abokwivula ubasuega.

Zacharie 11:11

Jimabunsu muna yilumbu yieni; bindombu abimakengila bimajaba yiri bisalu biami bimaruyila ombu Fumu.

Matthieu 11:5

bidunga bikalaba, bitsondu bigemuetsonduga, bibedu binyambi bikabelusu, madiba makagulu, bamfumbi bakarambuga na Musamu Uboti ukasamunu ombu bijaga.

Matthieu 12:18

Nsambi amavosa rie: Labanu musalitsi ami agu nyimasola, aguami udurondu, agu nyirondi na murima ami uotsu. Nyumugabilanga Yinyunyi yiami, jandi onyavisa dusungugu te na malongu motsu.

Matthieu 12:20

Jandi agotabula yilelenga ayimadekama; agotsimisa yijalala ayipudimi te na dusungugu dulabana.

Matthieu 4:16

Batu abetsaningi o pisama bolaba yijalala yineni! Ombu jogu abavu o dilongu adivu pisamajidufu yijalala yiubamonutsu.

Matthieu 5:3

Ka muna ubueji gu, uvu na jogu abekelaba bavu batu bageyi: baji o tsiDurumu duNsambi!

Luke 4:17

bamamuvega dibuku diEsaie jimubiyitsi. Amadibula na amaranga rie:

Luke 6:20

Mbana Jesus amagengila badukitsi bandi yisuisu na amavosa rie: Ka muna ubueji gu jenu aduikelaba dugeyi dulaba! Duji o tsi Durumu duNsambi!

Luke 7:22

Amabagabusila rie: Wendanu noyetsingula Jean adi dutsilaba nogulu, diwendi rie: bidunga bikalaba, bitsondu bigemuetsonduga, bibedu binyambi bikabelusu, madiba makagulu, bamfumbi bakarambuga na Musamu Uboti ukasamunu ombu bijaga.

Jean 1:41

La jandi agumabenguna tetega na muana nguji andi Simon na amamutsingula rie: Jetu tumaiaba Messie (divindugulu rie: Christ).

Jean 12:46

Nyimaruga o bulongu nana yijalala yiri jandi oyipayili yitu akefu o tsi pisama jimasumu.

Jean 3:34

Jandi agu Nsambi amasindiga evosi mambu maNsambi mu mbari Nsambi amamubasa de na Yinyunyi yiandi.

Bisalu 10:38

Jenu dumagulu mambu maJesus muisi Nazareth na duijabi yiri Nsambi amaba nandi la dibandu amawendilanga mbura tsiotsu uyenavaganga maboti noyenabelusanga botsu abamalasu maguga na diabu.

Bisalu 26:18

Gubalasa kengili yiri bagusuyi o pisama jimasumu novioga o yijalala. Gubalonsa wandi yiri bakakini na Satan nobambana na Nsambi. Pa bopayila yitu nyubatandila masumu na bodila mbura va gari abamasolu na Nsambi.

Bisalu 4:26

Dibandu yi bakaga babutamba bavu bakunsama utoga divita? Dibandu yi jogu na barumitsi bavu na kueru na Fumu na Christ andi?

Bisalu 4:27

Munongu mosi Herode na Ponce Pilate na bisi malongu na batu baIsrael bamatunga fundu o musiengi egugu ubusa musalitsi agu Jesus, agu ndeʼ gumabiatsa

Colossiens 1:13

Jandi amatugobula ava tukivu o tsi pisama eni na amatubega te no Dunimu duMuana andi udurondu

Jacques 2:5

Guluanu baana bataji bami badurondu! Nsambi amasola bijaga bibutamba buebubu uba o tsi Durumu duNsambi, diwendi rie: busina buogu la Durumu dueni adumavangunu na jogu abemurondi.

1 Pierre 2:9

Tumba jenu duvu batu abamasolu na Nsambi na duvu bavagulitsi bapagu, diwendi rie: dumusalila mu mbura tsiotsu. Va julu vana dumasolu na Nsambi jaʼ beni usamuna Mambu mandi amavu na mangolu. Divu nderi amadugusula o pisama jimasumu na amaduviosa o yijalala!