Jonas 3:6 - La Sainte Bible en Langue Yipunu

⁶ Diambu dimatola te nombu kaga jiNinive; amaretsama va yitsiga yiandi yibukaga; amavula yijungi yiandi na amaduara siela; amagolana dibufu.

Jonas 3:6 Iomraidhean Croise

1 Bakaga 21:27

Achab anomana ugulu mambu baElie amapasa biduaru biandi; amaduara siela na amabusa uji; amasilamanga na siela eni na amavindama va gegeyi.

Job 2:8

Job amabonga yitengi yimbuta uyenakegaranga na amatsana va dibufu.

Job 42:6

La dibandu nyiguveyili kokolu, nyikeveyi mbela na nyikesundusa; nyigolini difufundu na dibufu.

Esaie 15:3

Mu mansila mamusiengi bamayenaduranga basiela nesi o julu tsimiansa nesi o makasa, botsu bamanyonganga na bamalilanga.

Jeremie 13:18

Tsingula kaga na kaga jimugetu rie: Kesunsanu! Dugaba dukembu enu dumabonduga.

Jeremie 36:13

Mika amabatsingula mambu motsu ama amagulu ava Baruch amarangila batu muganda.

Jeremie 36:24

Kaga na basalitsi bandi botsu abamagulu mambu memama motsu basamalaba keri na basamapasa biduaru biogu.

Jeremie 6:26

Muana mugetu ubatu bami, duara siela na golana dibufu, duara yifuila ayivu nderi gumabokisa divingu, lilanga na mabembu! Mu mbari mubungitsi osundila ugurasuna.

Mitatu 2:10

Bivunda biSion bamatsana va tsi, bavu mababa; bamakuka difufundu o julu tsimiuru miogu na bamaduara basiela. Batsiemi baJerusalepi bamagudama va tsi.

Mitatu 3:29

Adibiyi dikaka diandi va munu, tanguji Fumu omutasila.

Ezekiel 26:16

Bakaga botsu basunduga mu bitsiga biogu bibufumu; bovula bijungi biogu nesi biduaru biogu biboti; bobasu na goma te na botsana va tsi; bogaangungu na dusiensi na bobakama mirima mu diambu diagu.

Daniel 9:3

Nyimageluga ombu Fumu Nsambi usambila nesi ulembiyila na nyimabusa uji na nyimaduara siela nesi ugolana dibufu.

Michee 1:10

Duyadisamuna o Gat, duyalila! Na munyongu nyimagolana difufundu o Bet-l-eafra.

Matthieu 11:21

Ka muna maguga ma ombu jenu bisi Chorazin! Ka muna maguga ma ombu jenu bisi Bethsaida! Mbe bimaga abimavagu ombu genu bimavagu ombu bisi Tyr na bisi Sidon, jogu mbe bamakalula diela nesi uduara siela na ugolana dibufu.

Luke 10:13

Ka muna maguga ma jenu bisi Chorazin dulaba! Ka muna maguga ma jenu bisi Bethsaida dulaba! Mbe bimaga abimavagu ombu genu bimavagu ombu bisi Tyr na bisi Sidon jogu mbe bamakalula diela nesi udiiara siela nogolana dibufu.