Jonas 2:9 - La Sainte Bible en Langue Yipunu

⁹ Jogu abesambili bansambi bamfurulu bagojaba dugobutsu.

Jonas 2:9 Iomraidhean Croise

Dibandu 35:3

Turelama nowenda o Bethel avana nyurungila Nsambi yinyensulu yipagu, Nsambi agumalabana nami mu temu jimaguga mami na agumalinganga nami mu mulingu ami uotsu.

2 Samuel 15:7

Bilima bina binovioga Absalom amatsingula kaga rie: Nsingisi uwenda o Hebron uyedugusu pangini aji nyimavangana na Fumu.

Job 22:27

Gumusambila, jandi oguguhi, gudugusu pangini itsi gumavangana.

Nyimbu 107:22

Bavagulili Nsambi pagu tsikabusulu tsimaboti na basamuni bisalu biandi na migamu minsangu!

Nyimbu 27:1

Duimbu duDavid. Fumu avu yijalala yiami na mugobutsi ami, dibandu yi nyulabila batu goma? Fumu avu mukelisi ami, dibandu yi nyulabila yomumu?

Nyimbu 3:8

Kokolu tsiagu Fumu, relamati! Aa Nsambi ami, kwaki kalala! Ndeʼ gumadimba batu botsu abepini va mabanga, gumabavongumuna miunu.

Nyimbu 50:14

Pagu tsienu tsibi kabusulu tsimaboti, kefisanu pangini atsi dumavangana nami, menu Nsambi Aguvu Uneni.

Nyimbu 50:23

Jandi oyivaguli pagu tsikabusulu tsimaboti ekitsi. Oyindedili odila dugobutsu duNsambi.

Nyimbu 68:20

Bagabusilingi Fumu diboti yilumbu na yilumbu Nsambi avu Mugobutsi etu, etumuningi kata yilumbu na yilumbu. Letasatianu

Nyimbu 95:2

Tʼwendianu va gusu andi na nyimbu tsiduyitsu, Tuwimbilianu nyimbu umuyitsa!

Esaie 45:17

Fumu avu dugobutsu duIsrael, dugobutsu dumutubu, bagolaba yisonyi na bagokambulu te na mutubu.

Jeremie 33:11

bomuegulu migamu minsangu nobueji na nyimbu tsimulumi na tsimugatsi na mufi majogu abevosi rie: Yitsanu Fumu Mabadi, Fumu avu muboti; Yingeba yiandi yiubanganga mutubu! Mufi majogu abevaguli pagu tsiunyensa na tsikabusulu tsimaboti mogulunu o Ndagu Nsambi. Nyugabusa bakoli na bomuetsananga nana na kala.

Osee 14:2

Israel, gabuga ombu Fumu Nsambi agu, mabi magu mamagurombisa utsimbu.

Jean 4:22

Jenu bisi Samarie duisambili agu dugejabi jetu baJuif tuisambili agu tuijabi; dugobutsu dumaruyila ombu baJuif.

Bisalu 4:12

Vagaa mutu ususu oyigobuli na vagaa diina disusu adimajabunu na batu adivu na mangolu ugobula.

Romains 12:1

Kabogu baana bataji nyidulonsi rie: Mu diambu diyingeba yiNsambi ve-ganu nyuru tsienu ombu gandi nderi pagu ajikivu monyu, ajivu jiboti. Adina diulasa Nsambi ubueji. Adina divu diwelimina.

Migaga Mimatubula 23:18

Vayaba yimbembu va gari baana babagetu baIsrael.

Hebreux 13:15

Tuyitsinganu Nsambi mu diina diJesus Christ nderi tuimuvagulili pagu, diwendi rie: tumuyitsinganu temu tsiotsu.

Dulasu 7:10

Bamagamuga na diufi dineni rie: Dugobutsu duetu duiruyili ombu Nsambi etu oyitsani va yitsiga yibufumu, nombu Muana Yindombu.

1 Samuel 12:21

Duyamuliyila nsima mbe dufubana na bakosi abagaa na tsongu abagejabi nesi uwamusa nesi uwaka mutu kalala mu mbari bakosi bavu.