Jonas 2:2 - La Sainte Bible en Langue Yipunu

² Aguna amasambila Fumu Nsambi andi dusambu duedudu.

Jonas 2:2 Iomraidhean Croise

2 Misamu 33:12

Anobasu na munyongu amasambila Fumu Nsambi andi na amakesunsa na murima uotsu va gusu Nsambi bataji bandi.

Nyimbu 116:3

Dufu dumakaanga, goma ngila jimakaanga wandi; nyimalaba maguga na munyongu.

Nyimbu 120:1

Duimbu dumulingitsi. Nyimanengila Fumu ava nyimalabila munyongu na jandi amakwagula.

Nyimbu 16:10

Gugonsingisa uwenda o mbura jiabafu gugogaru yiri mutu agu aboli.

Nyimbu 22:24

Jenu aduidumi Fumu, muyitsianu! Jenu bategula baJacob, mukakisianu.

Nyimbu 34:6

Gengilanu Fumu, musangilianu, duyasingisa yisonyi udugaanga!

Nyimbu 4:1

Duimbu duyivunda yibawimbitsi na duDavid adumawimbulu na bisigu abivu na mikudu.

Nyimbu 61:2

Aa Nsambi, gulu migamu miami! balimba ugulu dusambu duami!

Nyimbu 65:2

Aa Nsambi, baguyitsi o musiengi uSion, badugusu pangini atsi bamavangana nagu,

Nyimbu 86:13

Ndeʼ guimfunisilingi maboti magu, gumakwaka kalala o mbura jiabafu.

Esaie 14:9

Mbura jiabafu te na ndonga tsijionyi bimapupusu ugubengusana. Mu diambu diagu bamarambusa abamafu kala nesi botsu abamaba barumitsi nesi abamatsana va bitsiga biogu bibufumu urumanga malongu.

Mitatu 3:55

Aa Fumu, o gari yiduna, nyimagunengila.

Ezekiel 26:20

Nyugubuaga va mosi na jogu abamasunduga o mbengi nesi ombu jogu abamareyila; nyugukotisa o tsi butamba o mbura jibupinsa bebeli na jogu abamasunduga o mbengi yiri ugomuetsanunu; na nyugabila bundumba buami ombu basusu.

Ezekiel 31:14

Adina dimalabana yiri miri miotsu amivu va migula mimijamba migomuekedukusu mamungi na migomueba na dunangu duyirela mu mbari miotsu yika ufu mifu dedi na batu, botsu botsiemuga o tsi butamba noyetsana na jogu abamavindama o mbengi.

Matthieu 12:40

Nana Jonas amatsanina bilumbu birieru o gari moji nyama mamba munongu mosi Muana Mutu otsana bilumbu birieru o tsi butamba.

Luke 11:10

Mu mbari uotsu oyivondingi edilingi, oyirombingi elabingi na bedibulilingi oyidukisingi.

Luke 22:44

Na munyongu uneni amawarisa usambila te na amarugama dirugama adimaba yika malungu amamabonduga va tsi.]

Bisalu 2:27

mu mbari gugogaru yiri mutu agu abi o mbura jiabafu, gugonsingisa ubola o ngila.

Hebreux 5:7

Ava Jesus amabila vava tsi amasambila na amalenda na amagamuga na amalila ombu Nsambi agumaba na musuga umugusulila dufu. Mu mbari amaba asigama na amaba na buvolambombu, Nsambi amamugulu.

1 Samuel 1:16

Guyakengila nderi nyivu mugetu ukulini; diguga na munyongu bimapiolila.

1 Samuel 30:6

David amagaangu na munyongu uneni mu mbari badukitsi bandi bamavosanga rie: Tumutindili mamanyi; botsu bamabasa na munyongu mu diambu dibaana bogu bababaala na babagetu. Tumba David amawarisa murima na Fumu Nsambi andi.